ព័ត៌មានជាតិ

ភរិយាបញ្ជាក់ថា លោក អេ ភូថង ជិតបានត្រឡប់ទៅផ្ទះវិញហើយ ក្រោយព្យាបាលជាង១០ថ្ងៃ

បានផុស

៣ years មុន

នៅ

ថ្ងៃសុក្រ ២៣ កក្កដា ២០២១

ដោយ

អតីតស្តេចប្រដាល់លោកគ្រូ អេ ភូថង ក្រោយពេលសម្រាកព្យាបាលជំងឺកូវីដ-១៩ជាង១០ថ្ងៃមកនោះ ឥឡូវអាការ:ជំងឺកាន់តែធូស្រាលច្រើនហើយ ។ នេះបើតាមការបញ្ជាក់ពីភរិយារបស់លោក។

អ្នកស្រី ស សុម៉ាលី ដែលជាភរិយាអតីតកីឡាករប្រដាល់លោក អេ ភូផង បានថ្លែងប្រាប់ដូច្នេះថា ឥឡូវនេះប្ដីរបស់អ្នកស្រីបានធូរស្បើយច្រើនហើយ និងជិតដល់ថ្ងៃត្រឡប់ទៅផ្ទះវិញហើយ។ ទន្ទឹមនេះ អ្នកស្រីក៏សូមគោរពថ្លែងអំណរអគុណដល់ថ្នាក់ដឹកនាំគ្រប់ជាន់ថ្នាក់ដែលតែងតែយកចិត្តទុកដាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រីបានបន្តទៀតថា សូមអគុណដល់ក្រុមគ្រូពេទ្យដែលបានយកចិត្តទុកដាក់មើលថែប្ដីរបស់គាត់ដិតដល់ និងអ្នកជំងឺគ្រប់គ្នា។ ក្នុងឱកាសនេះ គ្មានអ្វីក្រៅពីម្រាមដៃដប់គោរពដឹងគុណយ៉ាងជ្រាលជ្រៅដល់ ថ្នាក់ដឹកនាំគ្រប់ជាន់ថ្នាក់និងអស់លោកលោកស្រី និងពុកម៉ែបងប្អូនអ៊ុំពូមីងទាំងអស់ទេ។

អតីតស្តេចប្រដាល់គុនខ្មែរកែងឆេះជង្គង់ហោះលោក អេ ភូថង ពេលនេះកំពុងសម្រាកព្យាបាលជំងឺកូវីដ-១៩ នៅមជ្ឈមណ្ឌលព្យាបាលជំងឺកូវីដ-១៩ពហុកីឡដ្ឋានជាតិអូឡាំពិកក្រោយពីលោកបានធ្វើតេស្ដរកឃើញវិជ្ជមានកូវីដ-១៩៕

អត្ថបទ ៖ ចាន់រ៉ា

Related Topics:លោក អេ ភូថង