ព័ត៌មានជាតិ

សមត្ថកិច្ចចម្រុះចុះបិទសៀលឃ្លាំងស្តុកមេតាណុលនិងអេតាណុលក្លែងក្លាយដ៏ធំមួយកន្លែងនៅរាជធានីភ្នំពេញ

បានផុស

៤ years មុន

នៅ

ថ្ងៃសៅរ៍ ២៤ កក្កដា ២០២១

ដោយ

មន្ត្រីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែងនិងបង្ក្រាបការក្លែងបន្លំ «ក.ប.ប.»ដោយមានការឯកភាពពីព្រះរាជអាជ្ញាបានចុះត្រួតពិនិត្យ ដកហូតនិងឃាត់ទុកបណ្តោះអាសន្ន មេតាណុលនិងអេតាណុលសរុបចំនួន៦២៩កាន ស្មើនឹង១៨,៨៧០លីត្រ នៅទីតាំងស្តុកទុកមួយកន្លែងស្ថិតក្នុងភូមិសាស្ត្រខណ្ឌខណ្ឌដង្កោ រាជធានីភ្នំពេញ។

សមត្ថកិច្ចចម្រុះសម្រេចបិទសៀលឃ្លាំងស្តុកអាកុលនោះជាបណ្តោះអាសន្នដើម្បីដោះស្រាយទៅតាមផ្លូវច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុននឹងឈានដល់ការបិទសៀលឃ្លាំងស្តុកមេតាណុលនិងអេតាណុលក្លែងក្លាយទាំងនេះបន្ទាប់ពីទទួល បានព័ត៌មានករណីសង្ស័យលើការចរាចរអាល់កុលក្លែងក្លាយលើទីផ្សារ នៅយប់ថ្ងៃទី២២ ខែកក្កដា ឆ្នាំ២០២១ មន្ត្រីអគ្គនាយកដ្ឋាន ក.ប.ប. ដោយទទួលបានការណែនាំពីលោក ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋាន ក.ប.ប.បានចុះអង្កេតតាមបណ្តោយផ្លូវ៣៧១ លើមធ្យោបាយដឹកជញ្ជូនជាម៉ូតូកង់បី និងរថយន្តដឹកអាល់កុល ជាលទ្ធផលជាក់ស្តែងពិនិត្យឃើញថា ជាសារធាតុមេតាណុល ហើយឃាត់បានម៉ូតូកង់បី៤គ្រឿង និងរថយន្តកូរ៉េ១គ្រឿងសរុបមានអាល់កុលចំនួន១១២កាន ស្មើនឹង៣,៣៦០លីត្រ។

បើតាមមន្ត្រី(កបប)បញ្ជាក់ថា បន្ទាប់ពីបានធ្វើកំណត់ហេតុមន្ត្រីជំនាញបានបញ្ជូនមធ្យោបាយជាវត្ថុតាងទៅរក្សាទុកនៅអគ្គនាយកដ្ឋានជាបឋម ហើយបានកំណត់មុខសញ្ញាទីតាំងឃ្លាំងស្តុកទុក ចែកចាយដោយតាមឃ្លាំមើលជាប្រចាំ។

លុះព្រឹកថ្ងៃទី២៣ ខែកក្កដា ឆ្នាំ២០២១ មន្ត្រីអគ្គនាយកដ្ឋាន ក.ប.ប.បានរៀបចំនីតិវិធីចុះឆែកឆេរទីតាំងស្កុក

ដោយមានការឯកភាពពីឯកឧត្តមព្រះរាជអាជ្ញាបានចុះត្រួតពិនិត្យដកហូតនិងឃាត់ទុកបណ្តោះអាសន្ន មេតាណុល និងអេតាណុលសរុបចំនួន៦២៩កានស្មើនឹង១៨,៨៧០លីត្រ នៅទីតាំងស្តុកទុកមួយកន្លែងស្ថិត ក្នុងភូមិសាស្ត្រខណ្ឌខណ្ឌដង្កោរាជធានីភ្នំពេញ៕

អត្ថបទ ៖ សំអឿន

Related Topics:អាល់កុលក្លែងក្លាយ