ព័ត៌មានជាតិ
អត់លុយទៅពេទ្យ ស្ត្រីម្នាក់សុខចិត្តសម្រាលកូន ក្នុងបន្ទប់ជួល
ពិតជាគួរឲ្យអាណិត! ទៅលើគ្រួសារក្រីក្រមួយ ដែលប្រពន្ធឈឺពោះ តែដោយសារគ្មានលុយ ទៅមន្ទីរពេទ្យ សុខចិត្តសម្រាលកូន ក្នុងបន្ទប់ជួលយ៉ាងលំបាកបំផុត។ ហេតុការណ៍នេះ បានកើតឡើង កាលពីវេលាម៉ោង៦ និង៣០នាទីយប់ថ្ងៃទី២៤ខែកក្កដា នៅបន្ទប់ជួលលេខ១៦ ស្ថិតក្នុងក្រុម៥ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
តាមប្រភពពីលោក សេង វ៉ាន់ថា ចៅសង្កាត់រងទី១ សង្កាត់ស្ទឹងមានជ័យ២ បានឲ្យដឹងថា កាលពីវេលាម៉ោង ដែលរៀបរាប់ ខាងលើប្រជាពលរដ្ឋរស់នៅ ក្នុងភូមិដំណាក់ធំ៤ បានការណ៍មកលោក ទូច សំអុល ចៅសង្កាត់ស្ទឹងមានជ័យ២ ថាមានគ្រួសារក្រីក្រមួយ ដែលកំពុងឈឺពោះជិតឆ្លងទន្លេ។ ប៉ុន្តែដោយសារពុំមាន លុយទៅមន្ទីរពេទ្យ ក៏សុខចិត្តសម្រាលកូនក្នុងបន្ទប់ជួល។ ភ្លាមៗនោះ លោកចៅសង្កាត់ និងលោកចៅរងទី១ បានចុះទៅដល់បន្ទប់ជួលហើយបានស្នើសុំ ទៅគ្រូពេទ្យបង្អែកខណ្ឌច្បារអំពៅ ចុះមកជួយសម្រាលកូនដល់អ្នកមានផ្ទៃពោះ រហូតកើតបានកូនស្រីដ៏ស្រស់ស្អាត។ ចំណែកម្តាយ មានសភាពខ្សោយ ព្រោះពុំមានថ្នាំគ្រប់គ្រាន់មុនពេលសម្រាល ហើយឃើញដូច្នេះក្រុមគ្រូពេទ្យ បានដឹកយកទៅសង្រ្គោះ នៅមន្ទីរពេទ្យបងប្អែកភ្លាមៗ។
តាមការបញ្ជាក់ពីលោក សេង វ៉ាន់ថា បានឲ្យដឹងថា គ្រួសារនេះគឺប្រពន្ធបម្រើការ នៅរោងចក្រកាត់មួយ ក្នុងភូមិដំណាក់ធំ៤នេះដែរ។ ស្រ្តីដែលប្រសូតកូនស្រី ក្នុងបន្ទប់ជួលនេះ ត្រូវបានគេស្គាល់ឈ្មោះ គឹម សុខមាន ឯប្តីឈ្មោះ ចាន់ ពិសី ដែលបម្រើការជាកម្មកររោងចក្រដូចគ្នា ហើយពួកគេទើបតែមានកូនជាលើកដំបូងថែមទៀតផង។
បើតាមប្រភពពីម្ចាស់ផ្ទះជួល បានឲ្យអាជ្ញាធរដឹងថា គាត់អាណិតគូស្នែហ៍នេះខ្លាំងណាស់ ដោយពួកគាត់ក្រីក្រខ្លាំងណាស់ រហូតដល់ម្ចាស់ផ្ទះមិនយកថ្លៃឈ្នួលបន្ទប់ទៀតផង។ នេះជារឿងរ៉ាវដ៏កំសត់ ចំពោះគ្រួសារក្រីក្រក្នុងសម័យកាលជំងឺកូវីដ-១៩៕ (ដោយ)៖ នរា





-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ១ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ២ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប