ការបោះឆ្នោតលើកទី១ ជ្រើស រើសក្រុមប្រឹក្សាក្រុងបូកគោ នឹងចាប់ផ្ដើមនៅថ្ងៃនេះ

ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត នឹងចាប់ផ្ដើមនៅថ្ងៃអាទិត្យ ទី​២៥ ខែ​កក្កដា ឆ្នាំ២០២១នេះ។ សម្រាប់ការបោះឆ្នោតនេះ មានគណបក្សនយោ​បាយចំនួន៤ ចូលរួមប្រកួតប្រជែង រួមមា​ន៖ គណបក្សប្រជាជនកម្ពុជា, គណបក្សយុវជនកម្ពុជា, គណបក្សហ៊្វុនស៊ិនប៉ិច, និងគណបក្សសញ្ជាតិកម្ពុជា។

គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២៤ ខែកក្កដា ឆ្នាំ២០២១ បានចេញសេចក្ដីជូន​ដំណឹ​ង ដោយបានបញ្ជាក់ថា គ.ជ.ប​ នឹងធ្វើការផ្សាយលទ្ធផលបឋម នៃការបោះឆ្នោតលើកទី១ ដើម្បីជ្រើសរើស​ក្រុម​ប្រឹក្សាក្រុងបូកគោ នៃខេត្តកំពត នៅថ្ងៃអាទិត្យ ទី២៥ ខែកក្កដា ឆ្នាំ២០២១ តាមប្រព័ន្ធផ្សព្វផ្សាយដូចជា៖

-ទូរទស្សន៍ជាតិកម្ពុជា

-វិទ្យុជាតិកម្ពុជា

-គេហទំព័រ គ.ជ.ប www.nec.gov.kh

-កម្មវិធីទូរស័ព្ទដៃ (App) “CamNec News”

-Facebook Page: គណៈកម្មាធិការជាតិរៀបចំការបោះឆ្នោត – National Election Committee

– Channel Youtube គ.ជ.ប៕ (ដោយ)៖ ឃួន សុភ័ក្រ