ព័ត៌មានជាតិ
សាលារៀនឯកជន ជាង៥០% បានបិទទ្វារផ្អាកដំណើរការ ខណៈបុគ្គលិកជាង១០០០នាក់ រងផលប៉ះពាល់
ការអូសបន្លាយ នៃវិបត្តិជំងឺកូវីដ-១៩ បានបង្កផលប៉ះពាល់ដល់វិស័យជាច្រើន រួមទាំងវិស័យអប់រំផងដែរ។ បើតាមប្រធានសហព័ន្ធអប់រំ នៃវិស័យឯកជនមួយ បានឲ្យដឹងថា យ៉ាងហោចណាស់មានសាលារៀនឯកជនជាង៥០ភាគរយ ក្នុងចំណោមប្រមាណ១០០សាលារៀន បានបិទទ្វារផ្អាកដំណើរការបណ្ដោះអាសន្ន ដោយ សាររងផលប៉ះពាល់ នៃជំងឺកូវីដ-១៩នេះ។
លោកឧកញ៉ា ប៉ិច ប៉ូឡែន ប្រធានសហព័ន្ធសេវាអប់រំនៅកម្ពុជា និងជាអគ្គនាយកក្រុមហ៊ុន វេសឡាញ អីធ្យូ ខេសិនគ្រុប (Westline Education Group) បានថ្លែងប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី២៦ ខែកក្កដា ឆ្នាំ២០២១ថា ក្នុងចំណោមសាលារៀនឯកជន ដែលស្ថិតក្នុងសហព័ន្ធរបស់លោកប្រមាណ១០០ សាលា គឺមានជាង៥០ភាគរយហើយ បានផ្អាកដំណើរការបណ្ដោះអាសន្ន។ ប៉ុន្តែនៅពេលសួរ ថាតើក្នុងចំណោមជាង៥០ភាគរយនោះ មានសាលារៀនឯកជនចំនួនប៉ុន្មាន ដែលបិទជាអចិន្ត្រៃយ៍? លោកឧកញ៉ា ប៉ិច ប៉ូឡែន មិនទាន់អាចបញ្ជាក់បាននៅឡើយទេ។
ប្រធានសហព័ន្ធសេវាអប់រំនៅកម្ពុជា បានថ្លែងយ៉ាងដូច្នេះថា «បើតាមទិន្នន័យ ក្នុងសហព័ន្ធរបស់ខ្ញុំ ខ្ញុំអាចនិយាយបានថា ខ្ទង់ប្រហែលជា៥០ភាគរយជាងហើយ ដែលបានបិទ ឬក៏ផ្អាកបណ្ដោះអាសន្ន…បើជាអចិន្ត្រៃយ៍ហ្មង យើងអត់ទាន់មានមូលដ្ឋាននេះទេ ដោយសារថា ម្នាក់ៗអាចបិទជាបណ្ដោះអាសន្នសិន អីចឹងទៅ បើស្ថានការណ៍ល្អគាត់នឹងបើកវិញ»។ សាលារៀន ដែលបានផ្អាកដំណើរបណ្ដោះអាសន្ននេះ មានចំនួនច្រើនគួរសម ហើយសុទ្ធសឹងជាសាលាឯកជន នៅតាមបណ្ដាខេត្ត និងមួយចំនួនទៀតភ្នំពេញទៀត បានបង្រួមទីតាំងសាខារបស់ខ្លួន។ នេះជាការបញ្ជាក់បន្ថែមពីលោក ប៉ិច ប៉ូឡែន។
ចំណែកឯបុគ្គលិកអប់រំ នៅក្នុងសាលារៀនឯកជនប្រមាណជា១០០០នាក់ហើយ ដែលរងផលប៉ះពាល់ការងារ ដោយសារតែការផ្អាកដំណើរការសាលារៀននេះ។ លោកឧកញ៉ា ប៉ិច ប៉ូឡែន ប្រធានសហព័ន្ធសេវាអប់រំនៅកម្ពុជា បានថ្លែងបញ្ជាក់ថា «បើសិនជាខ្ញុំ អាចយកទិន្នន័យ៥០ភាគរយហ្នឹងចុះ ខ្ទង់ប្រហែលជា៤០ ទៅ៥០សាលាចុះ ហើយបើសិនក្នុងករណីសាលារៀនមួយ យើងគិតជាមធ្យម ទាំងតូច ទាំងធំថា ២០ ទៅ៣០នាក់ យើងគុណឃើញហើយ មិនតិចទេ ចូល១០០០នាក់ជាងហើយ ដែលប៉ះពាល់ការងារ ត្រូវបានផ្អាក ឬក៏ទទួលបានភាគរយតិចតួច នៅសល់តិចតួចអីចឹងទៅ ជួលកាលអ្នកខ្លះ គាត់ចិញ្ចឹមបុគ្គលិកតិចតួច ឬក៏ឲ្យការងារ រូបភាពណាមួយអញ្ចឹងណា៎»៕ (ដោយ)៖ ឃួន សុភ័ក្រ


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ