ខឹងគូស្នេហ៍មានប្រុសថ្មី មន្ត្រី​ស័ក្តិបួនកន្លះ ដកកាំភ្លើងបាញ់​២គ្រាប់

ហេតុការណ៍ភ្ញាក់ផ្អេីលមួយបន្ទាប់ពីបុរសម្នាក់ដែលគេស្គាល់ថាជាមន្រ្តីស័ក្តិបួនកន្លះ នៃបញ្ជាការដ្ឋានកងអង្គរក្ស បានដកកាំភ្លេីងបាញ់ផ្ជុចដីចំនួន២គ្រាប់ដោយសារតែការប្រច័ណ្ឌព្រោះគូស្នេហ៍មានសង្សារថ្មី។

ហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង៨និង៣០នាទីយប់ថ្ងៃទី២៥ ខែកក្កដា ឆ្នាំ២០២១ នៅចំណុចផ្ទះរបស់នារីរងគ្រោះ ក្នុងភូមិសាមគ្គីទី១ សង្កាត់ត្រពាំងក្រសាំង ខណ្ឌពោធិ៍សែនជ័យ។

សមត្ថកិច្ចមូលដ្ឋានបានឲ្យដឹងថា ជនបង្កដែលដកកាំភ្លើងបាញ់ផ្អើលភូមិមាន ឈ្មោះ សុខ ចាន់អិន អាយុ៤០ឆ្នាំ មានតួនាទី ជាមន្រ្តីស័ក្តិបួនកន្លះ ធ្វើការនៅបញ្ជារការដ្ឋានកងអង្គរក្ស។

សមត្ថកិច្ចបានបន្តទៀតថា មុនពេលកើតហេតុគេឃើញ បុរសជាជនបង្ក ជិះម៉ូតូម៉ាកហុងដាឌ្រីម មកអង្គុយ​ផឹកស៊ីនៅក្បែរផ្ទះរបស់នារី ជាសង្សារ។ លុះក្រោយមក ស្របពេលដែលបុរសត្រូវជាគូស្នេហ៍ក្រោយ របស់នារីរូបនោះ បាននៅអង្គុយនឹងកន្លែងកើតហេតុនោះដែរ ឃើញដូចនេះបុរសដែលជាជនបង្ក បានផ្ទុះកំហឹងយ៉ាងខ្លាំង។

ក្នុងពេលនោះដែរ នារីរងគ្រោះបានបញ្ជាក់ថា បុរសជនបង្ក តែងតែធ្វើបាបរូបនាង ទើបនាងសុខចិត្តដើរចេញ បន្ទាប់មកបុរសជនបង្ក បានរុញហើយច្រានទ្វារនៅតែមិនព្រមរបើក និងកើតទៅជាជម្លោះ ធ្វើឱ្យបុរសជនបង្កបានដកកាំភ្លើងខ្លីម៉ាក អេសស៊ីអាយ (SCI) បាញ់ចំនួនពីរគ្រាប់ បណ្ដាលឱ្យត្រូវរថយន្តរបស់គូស្នេហ៍ថ្មី និងបែកកង់រថយន្តផ្នែកខាងឆ្វេង បន្ទាប់មកបុរសដែលត្រូវជាគូស្នេហ៍ថ្មី បានរាយការណ៍ទៅសមត្ថកិច្ចមូលដ្ឋាន ឱ្យចុះមកជួយអន្តរាគមន៍ភ្លាមៗ។

បន្ទាប់ពីកើតហេតុ សមត្ថកិច្ចមូលដ្ឋាន បានមកដល់កន្លែងកើតហេតុឃាត់ខ្លួនជនបង្ក និងបក្សពួក ព្រមទាំងឱ្យជងរងគ្រោះទៅដាក់ពាក្យបណ្តឹង ដើម្បីកសាងសំណុំរឿងចាត់ការបន្តតាមនីតិវិធី៕ ដោយៈសុខា