ព័ត៌មានជាតិ
គ្រឿងញៀនជាង១៣៤គីឡូក្រាម ដែលប្រមូលពីការបង្ក្រាបជាង៨០០សំណុំរឿង ត្រូវបានធ្វើពិធីដុតកម្ទេចចោល
ត្បូងឃ្មុំ ៖ នៅព្រឹកថ្ងៃទី២៧ ខែកក្កដា ឆ្នាំ២០២១នេះ រដ្ឋបាលខេត្តត្បូងឃ្មុំ និងគណៈកម្មការដុតបំផ្លាញគ្រឿងញៀនខេត្តត្បូងឃ្មុំ បានប្រារព្ធទិវាអន្តរជាតិប្រយុទ្ធប្រឆាំងគ្រឿងញៀនឆ្នាំ២០២១ នៅរង្វង់មូលក្នុងតំបន់រដ្ឋបាលខេត្តត្បូងឃ្មុំ និងពិធីដុតកម្ទេចចោលនូវគ្រឿងញៀនទទួលបានពីសាលាដំបូង និងអយ្យការអមសាលាដំបូងខេត្តចំនួន៨ រួមមាន ខេត្តត្បូងឃ្មុំ ខេត្តកំពង់ចាម ខេត្តកំពង់ធំ ខេត្តក្រចេះ ខេត្តស្ទឹងត្រែង ខេត្តរតនគិរី ខេត្តមណ្ឌលគិរី និងខេត្តព្រះវិហារ សរុបទម្ងន់១៣៤,១៣៩.៥៤គីឡូក្រាម និងគ្រឿងញៀនប្រភេទគ្រាប់WYចំនួន៥៨គ្រាប់។
ពិធីនេះ ប្រព្រឹត្តិទៅក្រោមអធិបតីភាពឯកឧត្តម មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន តំណាងដ៏ខ្ពង់ខ្ពស់ឯកឧត្តម កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន, ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ, ឯកឧត្តម ម៉ុង មុន្នីចរិយា ប្រធានសាលាឧទ្ធរណ៍ត្បូងឃ្មុំ និងឯកឧត្តម ហួត វុទ្ធី អគ្គព្រះរាជអាជ្ញា នៃមហាអយ្យការអមសាលាឧទ្ធរណ៍ត្បូងឃ្មុំ។
ក្នុងនោះក៏មានការអញ្ជើញចូលរួមពីសំណាក់ឯកឧត្តម គន់ សុភា អភិបាលរងខេត្តត្បូងឃ្មុំ ប្រធានសាលាដំបូង និងព្រះរាជអាជ្ញាអមសាលាដំបូងខេត្តទាំង០៨ កងកម្លាំងប្រដាប់អាវុធ និងមន្ត្រីពាក់ព័ន្ធ។
ឯកឧត្តម ឡុង ហុកម៉េង ព្រះរាជអាជ្ញាអមសាលាដំបូងខេត្តត្បូងឃ្មុំ និងជាប្រធានគណៈកម្មការដុតបំផ្លាញគ្រឿងញៀន សាលាដំបូងខេត្តត្បូងឃ្មុំ បានអានរបាយការណ៍សង្ខេបអំពីទិន្នន័យសំណុំរឿង និងវត្ថុតាងជាគ្រឿងញៀនប្រភេទជាម្សៅក្រាម សរុបទម្ងន់សរុប ១៣៤, ១៣៩.៥៤ក្រាម (មួយរយសាមសិបបួនពាន់មួយរយសាមសិបប្រាំបួន កណ្ដក់សញ្ញាហាសិបបួនក្រាម) និងគ្រឿងញៀនប្រភេទគ្រាប់ WY ចំនួន ៥៨គ្រាប់ ទទួលបានពីខេត្តទាំង០៨ ដែលត្រូវដុតបំផ្លាញនាឱកាសនោះ រួមមាន៖
១.សាលាដំបូង និងអយ្យការអមសាលាដំបូងខេត្តត្បូងឃ្មុំ មានសំណុំរឿងគ្រឿងញៀនចំនួន៣៤៧ ដែលមានគ្រឿងញៀនប្រភេទជាម្សៅក្រាមសរុប ទម្ងន់១,៥១៤.៦៦ក្រាម
២.សាលាដំបូង និងអយ្យការអមសាលាដំបូងខេត្តកំពង់ចាម មានសំណុំរឿងចំនួន៧២ ដែលមានគ្រឿងញៀនប្រភេទជាម្សៅក្រាមសរុបទម្ងន់ ២,៣៧៨.៥ ក្រាម ៣.សាលាដំបូង និងអយ្យការអមសាលាដំបូងខេត្តកំពង់ធំ មានសំណុំរឿងចំនួន៨៤ ដែលមានគ្រឿងញៀនប្រភេទជាម្សៅក្រាមសរុប ទម្ងន់ ៣,៣៣៣.៥៩ ក្រាម និងថ្នាំញៀនប្រភេទ គ្រាប់ WY ចំនួន៥៨ គ្រាប់
៤.សាលាដំបូង និងអយ្យការអមសាលាដំបូងខេត្តក្រចេះ មានសំណុំរឿងចំនួន ១១៤ ដែលមានគ្រឿងញៀនប្រភេទជាម្សៅក្រាមសរុប ទម្ងន់ ៤,៤៣៨.១ក្រាម
៥.សាលាដំបូង និងអយ្យការអមសាលាដំបូងខេត្តស្ទឹងត្រែង មានសំណុំរឿងចំនួន ៦៥ ដែលមានគ្រឿងញៀនប្រភេទជាម្សៅក្រាមសរុប ទម្ងន់ ១១៣,២៩១.៨៤ ក្រាម
៦.សាលាដំបូង និងអយ្យការអមសាលាដំបូងខេត្តរតនគិរី មានសំណុំរឿងចំនួន ១៣៩ ដែលមានគ្រឿងញៀនប្រភេទជាម្សៅក្រាមសរុប ទម្ងន់ ១,៣៦២.៥៣ ក្រាម
៧.សាលាដំបូង និងអយ្យការអមសាលាដំបូងខេត្តមណ្ឌលគិរី មានសំណុំរឿងចំនួន ២៧ ដែលមានគ្រឿងញៀនប្រភេទជាម្សៅក្រាមសរុប ទម្ងន់ ៥៨៦.២០ក្រាម
៨.សាលាដំបូង និងអយ្យការអមសាលាដំបូងខេត្តព្រះវិហារ មានសំណុំរឿងចំនួន ២២ សំណុំរឿង ដែលមានគ្រឿងញៀនប្រភេទជាម្សៅក្រាមសរុប ទម្ងន់ ៧,២៣៤.១២ក្រាម ។
បន្ទាប់មក គណៈអធិបតី និងអ្នកចូលរួម បានធ្វើការដុតកម្ទេចចោលគ្រឿងញៀនទាំងអស់ ដែលជាវត្ថុតាង បន្ទាប់ពីកម្លាំងមានសមត្ថកិច្ច និងអាជ្ញាធរមូលដ្ឋាន ព្រមទាំងអយ្យការ អមសាលាដំបូងទាំង០៨ខេត្ត បានសហការគ្នាបង្ក្រាបបានផងដែរ។
សូមជម្រាបថា បរិមាណគ្រឿងញៀនជាច្រើនសន្ធឹកសន្ធាប់ខាងលើនេះ គឺពួកឧក្រិដ្ឋជនបានយកគ្រឿងញៀន ធ្វើជាមុខរបរជំនួញ ហើយគ្រឿងញៀននេះបានពង្វក់ស្មារតីអូសទាញ ដល់ជនស្លូត ត្រង់ភាគច្រើនជាយុវវ័យ ឲ្យប្រើប្រាស់គ្រឿងញៀនដោយខុសច្បាប់បណ្តាលឲ្យខូចសុខភាព និង ឈានរហូតដល់ប្រព្រឹត្តបទល្មើស ជាអាទិ៍ អំពើឃាតកម្ម ចាប់ជំរិត រំលោភសេពសន្ថវៈ លួច ឆក់ ប្លន់ទ្រព្យសម្បត្តិ បង្កើតជាក្រុមបងតូចបងធំ ប្រព្រឹត្តអំពើហិង្សាក្នុងគ្រួសារ បង្កភាពអសន្តិសុខ និងធ្វើឲ្យប៉ះពាល់ដល់សណ្តាប់ធ្នាប់ និងរបៀបរៀបរយសាធារណៈក្នុងសង្គមជាតិផងដែរ។
ចំណែកសមត្ថកិច្ចទាំងអស់ ទាំងមន្ត្រីនគរបាលយុត្តិធម៌ អាជ្ញាធរមូលដ្ឋាន ព្រមទាំងស្ថាប័ន តុលាការ បានខិតខំយកចិត្តទុកដាក់អនុវត្តវិធានការច្បាប់ដោយមិនយោគយល់ ឬអត់ឱនដល់ជន ទាំងឡាយណា ដែលបានប្រព្រឹត្តបទល្មើសទាំងអស់នេះជាដាច់ខាត ហើយបរិមាណគ្រឿងញៀន ដ៏ច្រើននេះ ប្រសិនបើសមត្ថកិច្ចបង្ក្រាបមិនទាន់ពេលវេលាទេនោះ វានឹងបង្កផលប៉ះពាល់ ធ្ងន់ធ្ងរដល់សុខភាពប្រជាពលរដ្ឋ ជាពិសេសអនាគតយុវវ័យដែលជាទំពាំងស្នងឫស្សីរាប់ពាន់ម៉ឺន នាក់ជាក់ជាមិនខានឡើយ “ត្រូវនិយាយថា ទេចំពោះគ្រឿងញៀន, គ្រឿងញៀនបំផ្លាញអនាគតខ្លួន គ្រួសារ និងសង្គមជាតិទាំងមូល”៕
ដោយ ៖ សាន វិឡែម
លោក Lavrov គំរាម អាមេរិក ថា រុស្ស៊ីគឺជាមហាអំណាចនុយក្លេអ៊ែរ
អាកាសយានដ្ឋានអន្តរជាតិតារាសាគរ ហោះហើរធ្វើតេស្តសាកល្បងត្រួតពិនិត្យឧបករណ៍បច្ចេកទេសឡើងវិញ ត្រៀមហោះហើរយន្តហោះខ្នាតតូច ចុងខែវិច្ឆិកាខាងមុខ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
គំនូរវិចិត្រករកូរ៉េឆ្នាំ១៩៧១ ដេញថ្លៃបានលុយសុទ្ធជាង ៥.៩លានដុល្លារ លើទឹកដី ហុងកុង
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ