ជ្រូក៨ក្បាលនាំចូលខុសច្បាប់ តាមច្រករបៀង​ស្រុកអូជ្រៅ​សមត្ថកិច្ចចាប់បាន​យកទៅបំផ្លាញចោល

សមត្តកិច្ចបានធ្វើការបង្ក្រាបសត្វជ្រូកចំនួន ៨ក្បាល ដែលឈ្មួញលួចនាំចូលតាមច្រករបៀងយកមកលក់តាមជាយដែន ក្នុងតំបន់ព្រំដែនកម្ពុជា-ថៃ នៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ជ្រូកទាំង៨ក្បាលនោះក្រោយពីចាប់បានយកមកដុតកំទេចចោលនៅព្រឹកថ្ងៃទី ២៧ ខែកក្កដា ឆ្នាំ២០២១។

ការឃាត់ចាប់ជ្រូកនេះបានក្រោមការបញ្ជាដោយផ្ទាល់ពីលោកតាន់ ផាន់ណារ៉ាប្រតិភូរាជារដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាមកយកដ្ឋានសុខភាពសត្វ និងផលិតកម្មសត្វបានមានប្រសាសន៍ថាជ្រូកដែលចាប់បាននេះពួកក្រុមឈ្មួញកាប់មកពីប្រទេសថៃហើយជាស្រេចលោកបានដឹកនាំក្រុមការងារអន្តរា​គមន៍​បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វនិងផលិតកម្មសត្វ សហការជាមួយក្រុមការងារអន្តរាគមន៌បង្ក្រាបបទល្មើសចរាចរសត្វ ផលិតកម្មនិងបសុព្យាបាល នៃមន្ទីរកសិកម្មរុក្ខាប្រមាញ់និងនេសាទខេត្តបន្ទាយមានជ័យ។

សមត្តកិច្ចប្រាប់ថាសត្វជ្រូកនេះ នាំចូលមកពីប្រទេសថៃ សម្រាប់លក់ចែកចាយបន្តតាមភូមិក្បែព្រំដែនកម្ពុជា-ថៃ ពុំមានលិខិតអនុញ្ញាតពីក្រសួងកសិកម្ម រុក្ខាប្រមាញ់ និងនេសាទដែលមាន តំណាងម្ចាស់ជ្រូក ឈ្មោះ វន្នី វន្ថា នៅស្រុកអូជ្រៅ ពេលចាប់បានហើយក្រុមការងារបានបញ្ជូនវត្ថុតាងបទល្មើសខាងលើនេះ ទៅដុតកំទេចចោលនៅភូមិខ្លាកូនថ្មី សង្កាត់កំពុងស្វាយ ក្រុងសិរីសោភ័ណ ខេត្តបន្ទាយមានជ័យ៕ ដោយៈ វ៉ាន់ ណាង