វ៉ាក់សាំងជំនួយរបស់សហរដ្ឋ​អាមេរិក​ចំនួន​៥០ ម៉ឺនដូស​នឹងមកដល់កម្ពុជានៅថ្ងៃសុក្រសប្តាហ៍នេះ

វ៉ាក់សាំងប្រភេទ Johnson & Johnson ដែលជាជំនួយរបស់សហរដ្ឋអាមេរិក ចំនួន ៥០ ម៉ឺនដូស ក្នុងចំ​ណោមជំនួយ១ លានដូស នឹងដឹកមកដល់កម្ពុជា​ នៅវេលាម៉ោង ៧ ព្រឹកថ្ងៃទី ៣០ ខែកក្កដា ឆ្នាំ២០២១។

សេចក្តីប្រកាសព័ត៌មាន របស់ស្ថានទូតអាមេរិកប្រចាំកម្ពុជា លើកឡើងថា អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅក្នុងតំបន់ ក្នុងពេលដែលគេកំពុងតែប្រឹងប្រែងងើបចេញពីជំងឺរាតត្បាតយ៉ាងធ្ងន់ធ្ងរ។

បើតាមស្ថានទូតអាមេរិក វ៉ាក់សាំងចំនួនពាក់កណ្ដាលដែលនឹងដឹកមកដល់នៅម៉ោង ០៧៖១៥ នាទីព្រឹកថ្ងៃទី ៣០ ខែកក្កដា នៅអាកាសយានដ្ឋានអន្តរជាតិភ្នំពេញ ហើយអាចនឹងមកដល់នៅថ្ងៃច័ន្ទទី២ ខែសីហាជាងពាក់កណ្ដាលទៀត៕