ព័ត៌មានជាតិ

ពស់ថ្លាន់២៦ក្បាល ត្រូវមន្ត្រីឧទ្យាននុរក្សសហការជាមួយក្រុមអន្តរាគមន៍ប្រលែងចូលព្រៃអភិរក្សធម្មជាតិក្នុងឃុំផ្លូវទូក

បានផុស

៤ years មុន

នៅ

ថ្ងៃពុធ ២៨ កក្កដា ២០២១

ដោយ

កំពង់ឆ្នាំង ៖ ពស់ថ្លាន់២៦ក្បាល ត្រូវបានមន្ត្រីឧទ្យាននុរក្ស បឹងទន្លេសាបសហការជាមួយក្រុមអន្តរាគមន៍បង្ក្រាបសត្វព្រៃចល័តធ្វើការប្រលែងចូលព្រៃអភិរក្សធម្មជាតិ ចំណុចឡូត៍អភិរក្សភូមិស្លតឃុំផ្លូវទូកស្រុកកំពង់ ប្រលែងនៅរសៀលថ្ងៃទី២៨ ខែកក្កដា ឆ្នាំ២០២១ ដើម្បីបង្កពូជពង្សបន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីឧទ្យានអនុរក្សខេត្តកំពង់ឆ្នាំងបានឲ្យដឹងថា សត្វពស់ថ្លាន់ទាំង អស់នេះត្រូវបានក្រុមឧទ្យានុរក្សនិងក្រុមអន្តរាគមន៍បង្ក្រាបសត្វព្រៃចល័តប្រមូលពីភ្នំតាម៉ៅ ដើម្បីយកមកលែងនៅក្នុងតំបន់អភិរក្សព្រៃធម្មជាតិដែលមានសុវត្ថិភាព។

មន្ត្រីក្រុមឧទ្យាននុរក្ស ក៏បានអំពាវនាវដល់បងប្អូនប្រជាពលរដ្ឋនៅក្នុងតំបន់ខាងលើនេះក្ដី ឬនៅក្រៅតំបន់ក្ដីសូមមេត្តាជួយថែរក្សាការពារនិងអភិរក្សសត្វព្រៃគ្រប់ប្រភេទកុំចាប់ ឬ កុំជួញដូរ ឬសម្លាប់សត្វនឹងកុំកាប់ដុតឆ្ការរុករានទន្ទ្រានដីព្រៃ ដែលជំរកជីវចម្រុះគ្រប់ប្រភេទ។ សូមចូលរួមថែរក្សាធនធានធម្មជាតិទាំងអស់គ្នា និងសូមកុំជួញដូរសត្វព្រៃដែលជាអំពើផ្ទុយនិងច្បាប់៕

ដោយ ៖ ឈៀងថារិទ្ធ