ព័ត៌មានជាតិ

សមត្ថកិច្ចផាកពិន័យ ស្ត្រី៣នាក់ ករណីជួញដូរសត្វត្រចៀកកាំ

បានផុស

៤ years មុន

នៅ

ថ្ងៃអង្គារ ២៤ វិច្ឆិកា ២០២០

ដោយ

ស្ត្រី៣នាក់ ត្រូវបានមន្ត្រីជំនាញ សម្រេចផាកពិន័យអន្តរកាល ទៅតាមនីតិវិធីច្បាប់ ករណីជួញដូរសត្វត្រចៀកកាំខុសច្បាប់ នៅផ្សារលើធំថ្មី ក្នុងសង្កាត់ស្លក្រាម ក្រុងសៀមរាប ខេត្តសៀមរាប នៅថ្ងៃទី២៤ ខែវិច្ឆិកា ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចក៏បានដុតបំផ្លាញចោល សត្វត្រចៀកកាំបោចរោមរួច សរុប ២៥០ ក្បាលផងដែរ។ សមត្ថកិច្ចបន្តថា ស្ត្រីសង្ស័យទាំង៣នាក់នេះ មានឈ្មោះ រៀម ស៊ីណាត អាយុ៣៣ឆ្នាំ ស្ត្រីឈ្មោះ សុខ ស្រីនាថ អាយុ៣០ឆ្នាំ ស្ត្រីម្នាក់ទៀតឈ្មោះ ម៉ន សាវឿន អាយុ ២៩ ឆ្នាំ។ ជនសង្ស័យ បានប្រាប់មន្ត្រីជំនាញថា សត្វត្រចៀកកាំទាំងនោះ គឺពួកគេបានទិញពីពលរដ្ឋ នៅក្នុងមូលដ្ឋាន ដែលពួកគេខ្លះបានប្រើលប់ ខ្លះប្រើមង រាយប៉ប្រះលើផ្ទៃទឹក ដើម្បីចាប់វា។

សមត្ថកិច្ចបន្តឲ្យដឹងថា កម្លាំងមន្ត្រីជំនាញ នឹងបន្តកិច្ចសហការជាមួយអាជ្ញាធរមូលដ្ឋានចុះ បង្ក្រាបករណីរាយមង ឬសំណាញ់ចាប់សត្វត្រចៀកកាំ ទៅដល់មូលដ្ឋានតែម្ដង។ បើមិនដូច្នោះទេ សត្វត្រចៀកកាំ នឹងឈានទៅផុតពូជ មិនខាន»។ សេចក្តីរាយការណ៍បានឲ្យដឹងថា មានកន្លែងចិញ្ចឹមសត្វត្រចៀកកាំជាច្រើនកន្លែង នៅក្នុងខេត្តសៀមរាប ហើយគេមិនដឹងថា ទីតាំងទាំងនោះ មានច្បាប់ទម្លាប់ដែរឬយ៉ាងណានោះទេ៕