ព័ត៌មានជាតិ

ជិះម៉ូតូកង់បីពីម្ដុំលូ៥ ទៅស្ពានជ្រោយចង្វារ បំណងសម្លាប់ខ្លួនដោយសារស្នេហា

បានផុស

៣ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

នារីស្រស់ស្អាតម្នាក់ មិនដឹងជាខូចចិត្តរឿងស្នេហា ឬក៏មានបញ្ហាអ្វីនោះទេ បានដើរយំលើស្ពានជ្រោយចង្វារ ហើយត្រូវបានសមត្ថកិច្ច និងប្រជាពលរដ្ឋដើរតាមដើម្បីលួងលោមកុំឲ្យនារីរូបនោះបែកគំនិតគិតខ្លីលោតទឹកសម្លាប់ខ្លួនបង្កការភ្ញាក់ផ្អើលកាលពីរំលងអាធ្រាត្រឈានចូលថ្ងៃទី២៩ ខែកក្កដា ឆ្នាំ២០២១នេះ។

ព័ត៌មានពីអ្នករត់ម៉ូតូកង់បី បានឲ្យដឹងថា គាត់បានដឹកនារីរូបនោះចេញពីម្ដុំលូ៥ ស្ទឹងមានជ័យ ហើយពេលឡើងលើម៉ូតូកង់បីគាត់ ចេះតែយំរហូត ពេលគាត់សួរនាំទៅគឺនាងមិនបានឆ្លើយអ្វីនោះទេ ដោយឱ្យដឹកមកលើស្ពានជ្រោយចង្វារ ពេលមកដល់ស្ពាននារីរូបនោះបានចុះដើរយំលើស្ពានពីលិចទៅកើតដោយឃើញសភាពមិនស្រួល គាត់ក៏បើកម៉ូតូទៅប្រាប់សមត្ថកិច្ចគោលដៅខាងកើតស្ពានឲ្យចុះមកអន្តរាគមន៍ភ្លាមៗ ព្រោះខ្លាចក្រែងនារីរូបនោះលោតទឹកសម្លាប់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈនោះសមត្ថកិច្ចក៏ដូចជាប្រជាពលរដ្ឋដែលឃើញហេតុការណ៍ បាននាំគ្នាចុះដើរតាមលួងលោមនាងពីគោលដៅស្ពានខាងលិចរហូតដល់គោលដៅស្ពានខាងកើត ដើម្បីកុំឲ្យគាត់បែកគំនិតគិតខ្លីលោតទឹកសម្លាប់ខ្លួន។

នារីរូបនោះបានយំបណ្តើរប្រាប់គេឯងថា មូលហេតុដែលធ្វើដូច្នេះ គឺដោយសារនាងខូចចិត្តនឹងសង្សារ។បន្ទាប់មកសមត្ថកិច្ចក៏បានទំនាក់ទំនងទៅមិត្តភ័ក្ដិឲ្យមកទទួលនាងនាំគ្នាជិះម៉ូតូកង់បីទៅផ្ទះវិញផងដែរ៕

អត្ថបទ ៖ រស្មី