ព័ត៌មានជាតិ

អាជ្ញាធរខេត្តសៀមរាប កំពុងត្រៀមខ្លួន ក្នុងការបិទខ្ទប់ និងហាមឃាត់ការធ្វើដំណើរ

បានផុស

៤ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

លោក ពៅ ប៊ុន ធឿន អភិបាលស្រុកជីក្រែង បានប្រាប់កម្ពុជាថ្មីយើងថា ចាប់ពីថ្ងៃទី២៩ ខែកក្កដាឆ្នាំ២០២១ អាជ្ញាធរស្រុកបានចុះដាក់ប៉ុស្តិ៍ ត្រួតពិនិត្យការធ្វើដំណើររបស់ប្រជាពលរដ្ឋជាធម្មតា សិន រង់ចាំអាជ្ញាធរខេត្ត ការអនុវត្តតាមការសម្រេចរបស់រាជរដ្ឋាភិបាល ក្នុងការហាមឃាត់ការធ្វើដំណើរ និងការបិទខ្ទប់ ខេត្តចំនួន៨ ដែលមានខេត្តសៀមរាបផងដែរ នៅម៉ោង ២៤ និង ០០នាទី យប់ឈានចូលថ្ងៃទី៣០ ខែកក្កដា ២០២១ ជាបណ្តោះអាសន្នដើម្បីទប់ស្កាត់ការឆ្លងរាលដាលនៃជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ ប៊ុនធឿន ប្រធានគណៈបញ្ជាការឯកភាពរដ្ឋបាលស្រុកជីក្រែង ខេត្តសៀមរាប បានឲ្យដឹងនៅថ្ងៃទី២៩ ខែកក្កដា ឆ្នាំ២០២១នេះថា បន្ទាប់ពីអាជ្ញាធរបានចាប់ផ្តើមអនុវត្តការត្រួតពិនិត្យការធ្វើដំណើរឆ្លងកាត់ពីខេត្តមួយទៅខេត្តមួយនៅព្រំប្រទល់ខេត្តសៀមរាប និងកំពង់ធំចាប់ពីម៉ោងសូន្យមក ឃើញស្ថានភាពអ្នកដំណើរចូលមកកាន់ខេត្តសៀមរាប ទិសដៅមកពីខេត្តកំពង់ធំ គឺមិនមានប្រជាពលរដ្ឋសម្រុកមកច្រើននោះទេ។

ជាក់ស្តែងនៅថ្ងៃទី២៩កក្កដានេះដែរ គឺមានតែរថយន្តដឹកទំនិញ និងរថយន្តផ្សេងៗទៀត ដែលត្រូវបានរាជរដ្ឋាភិបាលអនុញ្ញាតតែប៉ុណ្ណោះ។ រាល់ការធ្វើចរាចរណ៍របស់រថយន្តដឹកទំនិញ ចំពោះអ្នកបើកបររថយន្តនីមួយៗ ក៏ត្រូវបានត្រួតពិនិត្យសុខភាពបឋម និងមានការកត់ត្រាទុកផងដែរ។ លោកបន្តថា ការដែលប្រជាពលរដ្ឋមិនសម្រុកមកច្រើននេះ ប្រហែលជាបងប្អូនប្រជាពលរដ្ឋបានយល់ច្បាប់ពីគោលបំណង ដែលរាជរដ្ឋាភិបាលកម្ពុជា បានសម្រេចបិទបែបនេះ ហើយការមកលេងខេត្តសៀមរាប ក៏មិនដឹងលេងនៅទីណាដែរ ព្រោះថាគ្រប់រមណីយដ្ឋានទេសចរណ៍ក៏ត្រូវបានបិទអស់ហើយផងដែរ។

ម្យ៉ាងទៀតដោយប្រជាពលរដ្ឋ ដោយមានការយល់ដឹង ចំពោះស្ថានភាពក្នុងពេលបច្ចុប្បន្ននេះ ដោយមិនបានធ្វើចាកចេញពីលំនៅឋានរបស់ខ្លួន ដែលគ្មានការចាំបាច់នោះ ក្នុងការចូលរួមបង្ការទប់ស្កាត់កុំឲ្យមានការឆ្លងរាលដាលនូវជំងឺកូវីដ១៩ ជាសហគមន៍ ព្រមទាំងព្រួយបារម្ភ នៅពេលសមត្ថកិច្ចឃាត់ខ្លួនក្នុងពេលធ្វើដំណើរ និងឲ្យពួកគាត់ធ្វើចត្តាឡីស័ក១៤ថ្ងៃ សំខាន់ក្នុងពេលឱកាសបុណ្យចូលឆ្នាំថ្មីប្រពៃណីខ្មែរយើងខាងមុខ។

សូមបញ្ជាក់ថា នៅថ្ងៃទី២៩ ខែកក្កដា ឆ្នាំ២០២១ រាជរដ្ឋាភិបាលបានសម្រេចការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេស ជាបណ្តោះអាសន្ន ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

ការហាមឃាត់ក្នុងការធ្វើដំណើរឆ្លងកាត់ចេញ-ចូល នៅខេត្តចំនួន៨ ក្នុងនោះក៏មានខេត្តសៀមរាបផងដែរ មិនឲ្យឆ្លងកាត់ពីខេត្តមួយទៅខេត្តមួយជាបណ្តោះអាសន្ន សម្រាប់រយៈពេល១៤ថ្ងៃ ដោយគិតចាប់ពីម៉ោងសូន្យនៃថ្ងៃទី២៩ ខែកក្កដា ឆ្នាំ២០១១ រហូតដល់ថ្ងៃទី១២ ខែសីហា ឆ្នាំ២០២១ ក្នុងគោលបំណងប្រយុទ្ធប្រឆាំងបង្ការទប់ស្កាត់ការឆ្លងរាលដាលនៃជំងឺកូវីដ-១៩បម្លែងថ្មីពីភូមិសាស្ត្រនៃខេត្តមួយទៅភូមិសាស្ត្រនៃខេត្តមួយទៀត។ ករណីសំខាន់ចំពោះ ភូមិសាស្ត្រដែលមាន៨ខេត្ត ក្នុងនោះក៏មានខេត្តសៀមរាបផង ដែលត្រូវបិទខ្ទប់ហាមឃាត់ការធ្វើដំណើរឆ្លងកាត់ ចេញ-ចូល ទៅវិញទៅមកនេះទេ៕

អត្ថបទ៖ គឿនវេត