ព័ត៌មានជាតិ

ដាំដើមក្ងោក៣០០ដើម លម្អសោភ័ណភាពនិងលើកសម្រស់ទីក្រុងដូនកែវឱ្យកាន់តែស្រស់បំព្រង

បានផុស

៤ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

អាជ្ញាធរខេត្តតាកែវបានដាំដើមក្ងោក ពូជផ្កាលឿង ចំនួន៣០០ដើមស្របតាមចិញ្ចើមផ្លូវជាតិ២ ចាប់ពីរង្វង់មូលអូរចំបក់ ដល់វិមានឯករាជ្យ ដើម្បីលម្អសោភ័ណភាពទីក្រុងដូនកែវ ដែលជាបេះដូងនៃខេត្តតាកែវ ឱ្យកាន់តែមានភាពស្រស់បំព្រងថែមទៀត។

ការដាំដើមក្ងោកនេះ បានធ្វើឡើងនៅព្រឹកថ្ងៃទី២៩ ខែកក្កដា ឆ្នាំ២០២១ ដោយមានការចូលរួមពីលោក អ៊ូច ភា អភិបាល នៃគណៈខេត្តតាកែវ រួមជាមួយលោក ស៊ឹម ឡាបុ័ង នាយកខណ្ឌរដ្ឋបាលព្រៃឈើតាកែវ និងអាជ្ញាធរក្រុងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូច ភា បានឱ្យដឹងថា ការដាំកូនឈើជាប្រភេទដើមផ្កាក្ងោកនៅអមសងខាងតាមដងផ្លូវនេះ គឺដើម្បីសោភណភាពនៃគម្របពណ៌បៃតង ព្រោះដើមក្ងោកនេះវានឹងធ្វើឱ្យតំបន់នេះមានសោភណ្ឌភាពខៀវស្រស់បំព្រងក្នុងរដូវវស្សា និងភាគច្រើននៅរដូវប្រាំងតែងចេញផ្កាផ្តល់សោភណភាពក្នុងការទាក់ទាញភ្ញៀវជាតិ និងអន្តរជាតិមកកម្សាន្តក្នុងខេត្តកាន់តែច្រើន និងបានចូលរួមចំណែកលើកស្ទួយជីវភាពប្រជាពលរដ្ឋយើងតាមការលក់ដូរជូនដល់ភ្ញៀវទេសចរផងដែរ៕

អត្ថបទ ៖ សំអឿន