ព័ត៌មានជាតិ

សុំសោមិនបានប្តីយកកាំបិតបុ័ង តោកាប់ប្រពន្ធ របួស១៥០ថ្នេររួចចាក់ពោះខ្លួនឯង

បានផុស

៤ years មុន

នៅ

ថ្ងៃសុក្រ ៣០ កក្កដា ២០២១

ដោយ

ជនសង្ស័យជាប្តី ខឹងយកសោរបងផ្ទះពីប្រពន្ធមិនបាន ទាញកាំបិតបុ័ងតោកាប់ទៅលើប្រពន្ធខ្លួនឯង បណ្ដាលឲ្យរងរបួសធ្ងន់ដេរ១៥០ថ្នេរ រួចយកកូនកាំបិតទៅចាក់ពោះខ្លួនឯងចំនួន២កាំបិតបន្ថែមទៀត បណ្ដាលឲ្យរងរបួសដេរ៧ថ្នេរ ដែលហេតុការនេះកើតឡើងកាលពីវេលាម៉ោង០៧ និង៥៥នាទី កាលពីថ្ងៃទី២៩ ខែកក្កដា ឆ្នាំ២០២១ ស្ថិតក្នុងភូមិទួលលាប ឃុំព្រៃពួច ស្រុកអង្គស្នួល ខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលស្រុកអង្គស្នួលបានឲ្យដឹងថា ជនរងគ្រោះឈ្មោះ រៀម សុខលី ភេទស្រី អាយុ២៤ឆ្នាំ ជនជាតិខ្មែរ មុខរបរកសិករ។ ចំណែកជនសង្ស័យឈ្មោះ យ៉ុង សុវណ្ណរ៉ា ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិទួលលាប ឃុំព្រៃពួច ស្រុកអង្គស្នួល ខេត្តកណ្តាល។ វត្ថុតាងចាប់យក កាំបិតចុងស្រួចចំនួន០២ដើម។

ប្រភពដដែលបានឲ្យដឹងទៀតថា កន្លងមកជនសង្ស័យជាមនុស្សមានសតិមិនគ្រប់គ្រាន់(ជំងឺសតិអារម្មណ៍) លុះមកដល់ថ្ងៃខែវេលាម៉ោងកើតហេតុ ជនសង្ស័យនិងជនរងគ្រោះ(ជាប្ដីនឹងប្រពន្ធ) បាននៅផ្ទះជាមួយគ្នា បន្ទាប់មកជនសង្ស័យបានសូមជនរងគ្រោះយកសោទ្វាររបងផ្ទះ ដើម្បីចាក់សោទ្វារហើយចេញទៅរកម្ដាយនៅកន្លែងធ្វើការងារ ដោយជនរងគ្រោះមិនព្រមឲ្យកូនសោទ្វារ ទើបជនសង្ស័យខឹងក៏ស្រែកឡូឡារករឿង ហើយបានទាត់ជនរងគ្រោះចំនួន០៣ជើង បន្ទាប់មកបានទាញយកកាំបិតមកកាប់ក្បាលជនរងគ្រោះចំនួន០៤កាំបិត និងកាប់ចំដៃស្ដាំចំនួន០១កាំបិត បណ្ដាលឲ្យរងរបួសដេរចំនួន១៥០ថ្នេរ ក្រោយពីជនសង្ស័យធ្វើសកម្មភាពរួចហើយ បានផ្លោះតាមរបងខាងក្រោយផ្ទះរត់ទៅអង្គុយកណ្ដាលវាលស្រែ។

ក្រោយពីសមត្ថកិច្ចទទួលព័ត៌មានពីគ្រួសារជនរងគ្រោះ ភ្លាមនោះបានចុះទៅដល់កន្លែងកើតហេតុ ហើយបានរកឃើញជនសង្ស័យនៅអង្គុយកណ្ដាលវាលស្រែ បានយកកាំបិតចាក់ពោះខ្លួនឯងចំនួន០២កាំបិតដេរចំនួន០៧ថ្នេរ ហើយសមត្ថកិច្ចចូលទៅឃាត់ខ្លួនជនសង្ស័យនិងវត្ថុតាង ដើម្បីបញ្ជូនទៅមន្ទីរពេទ្យព្យាបាល និងសួរនាំចាត់ការតាមនីតិវិធីច្បាប់៕

អត្ថបទ៖ ឧត្តរ៉ា