ព័ត៌មានជាតិ

វ៉ាក់សាំង Johnson & Johnson របស់អាមេរិកចាក់បានកុមារអាយុ ១២-១៧ ឆ្នាំ ឬទេ?

បានផុស

៣ years មុន

នៅ

ថ្ងៃសុក្រ ៣០ កក្កដា ២០២១

ដោយ

នៅថ្ងៃទី ៣០ ខែកក្កដានេះ កម្ពុជាទទួលបានវ៉ាក់សាំង Johnson & Johnson ពាក់កណ្ដាល នៃចំនួនសរុបជាង១លានដូស ដែលជាអំណោយរបស់សហរដ្ឋអាមេរិកតាមរយៈយន្តការកូវ៉ាក់ (COVAX)។

វ៉ាក់សាំង Johnson & Johnson តម្រូវឱ្យចាក់តែ១ដូស ពោលគឺខុសទៅនឹងប្រភេទវ៉ាក់សាំងផ្សេងៗ ដែលតម្រូវឱ្យចាក់២ដូស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញចម្ងល់ថា តើវ៉ាក់សាំងប្រភេទនេះអាចចាក់ ឱ្យកុមារ និងយុវវ័យដែលមានអាយុ ១២ ដល់ ១៧ ឆ្នាំ បានដែរឬទេ ស្របពេលដែលកម្ពុជា ហៀបនឹងប្រកាសបើកយុទ្ធនាការចាក់ឱ្យកុមារ និងយុវវ័យនោះ?

ឯកអគ្គរដ្ឋទូតស្ដីទីសហរដ្ឋអាមេរិកប្រចាំកម្ពុជាបានប្រាប់អ្នកសារព័ត៌មានថា ពាក់ព័ន្ធនឹងបញ្ហានេះ មិនទាន់បញ្ជាក់បានថា វ៉ាក់សាំង Jonhson & Johnson អាចប្រើលើកុមារបានដែរ ឬយ៉ាងណានោះទេ រង់ចាំការប្រកាសរបស់អង្គការសុខភាពពិភពលោក។

ប្រព័ន្ធផ្សព្វផ្សាយបរទេសរាយការណ៍ថា នៅប្រទេសមួយចំនួនដែលបានប្រើប្រាស់វ៉ាក់សាំងចាក់តែមួយដូស Johnson & Johnson ដែលផលិតនៅអាមេរិកមួយនេះ ក៏ត្រូវបានគេមើលឃើញពីប្រសិទ្ធភាពខ្លាំងក្លាការពារជំងឺកូវីដ ១៩ និងវីរុសបំប្លែងខ្លួនច្រើនប្រភេទប្រមាណ ៨៥ ភាគរយ៕