ព័ត៌មានជាតិ

អុចធូបមូសបង្កជាអគ្គិភ័យ បំផ្លាញផ្ទះសម្បែង និងទ្រព្យសម្បត្តិជាច្រើន នៅខេត្តបាត់ដំបង

បានផុស

៤ years មុន

នៅ

ថ្ងៃសុក្រ ៣០ កក្កដា ២០២១

ដោយ

សម្ភារៈនិងទ្រព្យសម្បត្តិជាច្រើន ត្រូវបានអំណាចភ្លើងធូបមូសត្របាក់យក ខណៈដែលស្ត្រីជាប្រពន្ធបានដុតទុកចោលដោយធ្វេសប្រហែសរហូតដល់ពាក់កណ្តាលអធ្រាត្រ ទើបបង្កជាអគ្គិភ័យឆាបឆេះតែម្តង ដែលករណីនេះបានបង្កការភ្ញាក់ផ្អើលវេលាម៉ោង១២និង៣០នាទីអធ្រាត្រនាកាលពីថ្ងៃទី២៩ ខែកក្កដា ឆ្នាំ២០២១ ស្ថិតនៅចំណុចក្រុមទី០៥ ភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីសមត្ថកិច្ចថា ករណីនេះបណ្តាលឲ្យឆេះសំយាបផ្ទះ០១ទំហំ៤មx៦មធ្វើពីឈើប្រក់ស័ង្កសីរបស់ម្ចាស់ ឈ្មោះ ភា ផុន ភេទប្រុស អាយុ៣៥ឆ្នាំ និងប្រពន្ធឈ្មោះ ទូច ដាវី អាយុ៣៦ឆ្នាំ មុខរបរលក់ដូរមានទីលំនៅនៅកន្លែងកើតហេតុខាងលើ។ ក្នុងនោះសម្ភារៈខូចខាតរួមមាន៖ ឆេះឈើគ្រឿងធ្វើផ្ទះប្រហែល១៥ម៉ែត្រគូប, ឆេះម៉ាស៊ីន២៥សេះចំនួន០១, ឌីលីម៉ូ២០គីឡូចំនួន០១គ្រឿង និង១៥គីឡូចំនួន០១, ឆេះធុងទឹកកកចំណុះ១០០០លីត្រចំនួន០៥, ឆេះម៉ូតូម៉ាកវេវចាស់ចំនួន០២គ្រឿង(ម៉ូតូបញ្ចាំ),ការ៉ុតសចំនួន១០០០ការុង, អំបិលចំនួន០២តោន, ម៉ាស៊ូតចំនួន១០ការុង, កង់ជិះ០៣គ្រឿង, ឡានVigoរួញខាងមុខនិងសម្ភារះមួយចំនួនទៀត ដែលមូលហេតុនៃការឆេះនេះ បណ្តាលមកពីអុជធូបមូស។

សមត្ថកិច្ចបញ្ជាក់ថា ក្រោយហេតុការណ៍កើតឡើងភ្លាមៗនោះខាងសមត្ថកិច្ច បានចេញរថយន្តពន្លត់អគ្គិភ័យ០១គ្រឿងលុះដល់ពាក់កណ្តាលផ្លូវក៏ទៅមុខលែងបានដោយសារផ្លូវតូចចង្អៀត ហើយរអិលខ្លាំងផងទើបកិច្ចអន្តរាគមន៍ ត្រូវបានខកខានពុំបានទៅដល់កន្លែងកើតហេតុតែបានប្រជាពលរដ្ឋជិតខាងជួយពន្លត់មិនអាចឆ្លងឆេះបន្តទៀត ហើយករណីនេះមិនបង្កឲ្យរងរបួសដល់មនុស្សណាម្នាក់នោះដែរ៕

អត្ថបទ៖ សៅ សារិទ្ធ