ព័ត៌មានជាតិ
លោក សៃ ឡៅ មេឃុំបត់ត្រង់ កំពុងធ្វើឲ្យពលរដ្ឋមានការមិនពេញចិត្ត ក្នុងរយៈពេល២ឆ្នាំនេះ
លោក សៃ ឡៅ មេឃុំបត់ត្រង់ ក្នុងរយះពេល២ឆ្នាំសោះមានរឿងធំៗដល់ទៅ២លើក រឿងទី១ហ៊ានចាក់ដីតំបន់ អភិរក្សត្រី វត្តអន្លង់ថ្ងាន់អង្កន់ធ្វើជាផ្សារលក់ ។ រឿងទី២ហាមដាច់ខាតមិនឲ្យម៉ាស៊ីនច្រូតស្រូវចូលច្រូតក្រៅពីឃុំរបស់ខ្លួន។
គួរបញ្ជាក់ផងដែរថា លោក សៃ ឡៅ នេះ នៅថ្ងៃទី២៤ ខែឧសភាឆ្នាំ២០២០កន្លងទៅ បានចាក់ដីបំពេញយកដីទំនាបមាត់ស្ទឹងមង្គលបូរី និងអូរ ជាប់តំបន់អភិរក្សត្រីវត្តអន្លង់ថ្ងាន់ ជារបស់រដ្ឋ ស្ថិតនៅភូមិអន្លង់ថ្ងាន់មានទំហំជាង២រ៉ៃ ប្រមាណ២,០០០ ម៉ែត្រការ៉េ ក្នុងឃុំបត់ត្រង់ ស្រុកមង្គលបូរី ខេត្តបន្ទាយមានជ័យ ដើម្បីធ្វើផ្សារនិងជួលដីឲ្យអាជីវករ និងអង្កន់ដីលក់ ដោយប្រជាពលរដ្ឋមិនពេញចិត្តទាល់តែសោះ។ ចំណែករឿងទី២វិញស្ងាត់ៗស្រាប់តែលេចរឿងអាស្រូវចេញមកមួយទៀត គឺជារឿងហាមមិនឲ្យម៉ាស៊ីនច្រូតស្រូវក្រៅពីឃុំលោកចូលច្រូតបានឡើយ។
យោងតាមលិខិតចុះនៅថ្ងៃទី២៧ ខែកក្កដា ឆ្នាំ២០២១ ស្តីពីកិច្ចព្រមព្រៀងជាមួយម្ចាស់ម៉ាស៊ីនច្រូតស្រូវនិងតំណាងម៉ាស៊ីនច្រូតស្រូវនៅតំបន់វាលស្រែក្នុងឃុំបត់ត្រង់ ដោយកំណត់ឲ្យយកតម្លៃ២,១០០បាត ក្នុងមួយហិចតា មិនឲ្យមានម៉ាស៊ីនច្រូតស្រូវមកពីកន្លែងផ្សេងចូលមកច្រូតក្នុងឃុំបត់ត្រង់នេះដាច់ខាត ព្រោះតែខ្លាចធ្លាក់ថ្លៃ ។ លិខិតចុះខាងលើនេះ ធ្វើឲ្យប្រជាកសិករធ្វើស្រែក្នុងឃុំបត់ត្រង់ មិនពេញចិត្តលោកមេឃុំ សៃ ឡៅ ទាល់តែសោះព្រោះមិនអនុញ្ញាតឲ្យម៉ាស៊ីនច្រូតមកពីកន្លែងផ្សេងដែលមានតម្លៃទាប គេយកតែ២,០០០បាទ ក្នុង១ហិចតា ព្រោះថា មានគេម៉ៅការរួចអស់ទៅហើយ ទើបអាជ្ញាធរឃុំ មិនអនុញ្ញាតឲ្យម៉ាស៊ីនច្រូតស្រូវចូលក្រៅពីឃុំទៅច្រូតតម្លៃទាបបាននោះទេ។ បើចង់ច្រូតទាល់តែតម្លៃដូចម៉ាស៊ីននៅក្នុងភូមិឃុំរបស់លោក ទើបអាចឲ្យច្រូត ជាមួយគ្នានោះបាន។ លោកមេឃុំក៏បានធ្វើកិច្ចសន្យាឲ្យច្រូត តម្លៃដូចម៉ាស៊ីនអ្នកម៉ៅការនៅក្នុងភូមិឃុំរបស់លោកទើបលោកអនុញ្ញាតឲ្យម៉ាស៊ីនច្រូត ។
ប្រជាកសិករបានត្អូញត្អែរទៀតថា ធ្វើស្រែបានផលស្រូវហើយលោកមេឃុំបានដាក់កំណត់ឲ្យម៉ាស៊ីនច្រូតស្រូវយកតម្លៃពីពួកគាត់ក្នុង១ហិចតាដល់ទៅ ២,១០០បាទ និងធ្វើការហាមមិនឲ្យម៉ាស៊ីនច្រូតក្រៅពីឃុំខ្លួនចូលមកច្រូតជាដាច់ខាត ព្រោះច្រូតអាចធ្វើការទម្លាក់តម្លៃ។ ក្នុងនោះមានម្ចាស់ម៉ាស៊ីនច្រូតបានធ្វើកិច្ចសន្យាថា នឹងច្រូតតែស្រែក្នុងឃុំបត់ត្រង់១ មាន១ឈ្មោះ សរ ប៉ូលីន ភេទប្រុស ២ឈ្មោះ ម៉ាន់ ទី ភេទប្រុស ៣ ឈ្មោះ បូ ផល ភេទប្រុស និង៤ឈ្មោះ ព្រំ វុន ភេទប្រុស និងលោក សៃ ឡៅ មេឃុំបត់ត្រង់ បានព្រមព្រៀងច្រូតស្រូវឲ្យប្រជាពលរដ្ឋក្នុងឃុំនេះចំនួន ២,១០០បាតក្នុងមួយហិចតា និងស្នើសុំដក១០០បាទមួយហិចតា ដើម្បីចូលរួមអភិវឌ្ឍន៍ឃុំ ពីម្ចាស់ម៉ាស៊ីនច្រូត។
ប្រជាកសិករបាននិយាយថា លោក សៃ ឡៅ មេឃុំបត់ត្រង់ ធ្វើអីប្លែកៗណាស់បើធៀបទៅនឹងការច្រូតស្រូវរដូវវស្សាកាលពីឆ្នាំ២០២០ គេយកថោកជាងនេះ។ ឆ្នាំនេះតម្លៃស្រូវ១គីឡូបានតែ៧០០ទៅ៧៤០រៀលទេគួរតែយក១,៦០០ទៅ១,៨០០បាទក្នុងមួយហិចតាបានហើយ ម្យ៉ាងរងផលប៉ះពាល់ដោយជំងឺកូវីដ១៩ទៀតផង។ លុះនៅថ្ងៃទី៣០ ខែកក្កដា ឆ្នាំ២០២១នេះ លោក ដា ស៊ីណង់ អភិបាលស្រុកមង្គលបូរី បានប្រាប់អ្នកសាព័ត៌មានឲ្យដឹងថា គាត់បានណែនាំឲ្យម្ចាស់ម៉ាស៊ីនច្រូតស្រូវ និងលោកមេឃុំបត់ត្រង់នោះនិរាសករណ៍ ឬរំលាយលិខិតកិច្ចព្រមព្រៀងនោះទាំងអស់ ថ្លៃថ្នូរលក់ដូរឬសេវានានា ផ្នែកឯកជនគឺស្ថិតលើទីផ្សារហាងឆេង មិនអាចទៅកំណត់ថ្លៃក្នុងកិច្ចព្រមព្រៀងឬផែនការអី១នោះបានទេ៕
អត្ថបទ ៖ វ៉ាន់ ណាង
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ