ព័ត៌មានជាតិ
សម្តេចតេជោ ហាមមន្ទីរពេទ្យរដ្ឋ មិនត្រូវយកថ្លៃធ្វើតេស្តកូវីដ-១៩ ពីពលរដ្ឋដាច់ខាត
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានហាមចំពោះមន្ទីរពេទ្យរដ្ឋ និងគ្រូពេទ្យរដ្ឋទាំងអស់មិនត្រូវយកលុយថ្លៃឧបករណ៍តេស្តពីប្រជាពលរដ្ឋនោះទេ ព្រោះរដ្ឋមានកាតព្វកិច្ចជួយដល់ប្រជាពលរដ្ឋ ។ ដូចនេះគ្រប់មន្ទីរពេទ្យរដ្ឋទាំងអស់ហាមយកប្រាក់ពីប្រជាពលរដ្ឋ ដែលទៅធ្វើតេស្តរកមេរោគកូវីដ-១៩ ជាដាច់ខាត។ ជាមួយនេះសម្តេចក៏បានស្នើឲ្យក្រសួងសុខាភិបាលពិនិត្យមើលមន្ទីរពេទ្យឯកជនសូមកុំឱ្យយកការធ្វើតេស្តថ្លៃពេកចំពោះពលរដ្ឋ ។
ការថ្លែងបែបនេះ របស់សម្ដេចតេជោ ហ៊ុន សែន បានធ្វើឡើងក្នុងពិធីបើកយុទ្ធនាការចាក់វ៉ាក់សាំងជូនកុមារ និងយុវវ័យអាយុចាប់ពី១២ឆ្នាំ ដល់ក្រោម១៨ឆ្នាំ ដោយពិធីនេះបានធ្វើឡើងនាថ្ងៃទី០១ ខែសីហា ឆ្នាំ២០២១ នៅវិមានសន្តិភាព។
សម្ដេចតេជោ ហ៊ុន សែន បានឱ្យដឹងថា ការធ្វើតេស្តគឺពិតជាមានសារសំខាន់ខ្លាំងណាស់ ដើម្បីគ្រប់គ្រងបានទាន់ពេលវេលា ហើយកន្លងទៅនេះ រាជរដ្ឋាភិបាលបានអនុញ្ញាតឱ្យវិស័យឯកជននាំចូលឧបករណ៍ធ្វើតេស្តមកលក់ ប៉ុន្តែប្រជាជនក្រីក្រពុំមានលទ្ធភាពទិញឧបករណ៍ធ្វើតេស្តរហ័សនោះទេ ដោយសារមានតម្លៃថ្លៃពេក ហើយនៅតាមមន្ទីររដ្ឋក៏មានការយកថ្លៃតេស្តពីប្រជាពលរដ្ឋមុនពេលពិនិត្យជំងឺផងដែរ នៅតាមមន្ទីរពេទ្យរដ្ឋ តម្លៃតេស្តកូវីដ១៩ ម្តង១៥ដុល្លារ ។ ចំណែកនៅតាមមន្ទីរពេទ្យឯកជនថ្លៃធ្វើតេស្តម្តងពី ៥០ទៅ៦០ដុល្លារ បញ្ហានេះបានបង្កការលំបាកដល់ប្រជាពលរដ្ឋក្រីក្រដែលពុំមានលទ្ធភាព។
សម្តេចតេជោ ហ៊ុន សែន បានលើកឡើងទៀតថា សម្រាប់ប្រជាជនដែលមិនមានលទ្ធភាព វាគឺជាកាតព្វកិច្ចរបស់រដ្ឋ។ ដូចនេះក្រសួងសុខាភិបាលត្រូវត្រួតពិនិត្យមើលបញ្ហានេះ កុំឲ្យកើតមានបន្តទៀត ការយកលុយពីប្រជាពលរដ្ឋទៅធ្វើតេស្តរកមេរោគកូវីដ១៩ ។ ហើយក្រសួងសុខាភិបាលត្រូវចែករំលែកនូវឧបករណ៍ធ្វើតេស្តទៅកាន់បណ្ដាមន្ទីរពេទ្យរដ្ឋទាំងអស់ដែលចាំបាច់ក្នុងការធ្វើតេស្តជូនប្រជាពលរដ្ឋ។
សម្តេចតេជោ ហ៊ុន សែន បានមានប្រសាសន៍ថា «សម្រាប់ការធ្វើតេស្តដោយគ្រូពេទ្យរបស់រដ្ឋដាច់ខាតអត់យកប្រាក់ សូមបញ្ជូនសារនេះឱ្យដល់ប្រជាពលរដ្ឋ ។ ប្រសិនមានការយកប្រាក់ត្រូវរាយការណ៍មកក្រសួង។ ការធ្វើតេស្តនេះ ត្រូវបែងចែកជា២ ផ្នែករដ្ឋដាច់ខាតមួយសេនក៏មិនឱ្យយកប្រាក់ពីប្រជាពលរដ្ឋ មិនថាអ្នកមាន មិនថាអ្នកក្រ ប្រសិនបើយកប្រាក់ពីអ្នកជំងឺក៏មិនអាចឱ្យកម្ពុជាក្លាយជាអ្នកមានបានដែរ ដូច្នេះយើងចាយដល់ទៅពាន់លានបាត់ទៅហើយ ឬក៏រាប់រយលានដុល្លារបាត់ទៅហើយ យើងបន្តចាយបន្តិចទៅទៀតក៏វាមិនដួលរលំសេដ្ឋកិច្ចកម្ពុជាដោយសារការធ្វើតេស្តហ្នឹងទេ។ ឯចំពោះវិស័យឯកជន គឺគេត្រូវយកប្រាក់ហើយ ព្រោះគេក៏ទិញអស់ប្រាក់ដែរ ប៉ុន្តែស្នើសូមកុំឱ្យយកថ្លៃធ្វើតេស្តថ្លៃពេក»។
សម្ដេចតេជោនាយករដ្ឋមន្ត្រីបានប្រាប់ប្រជាពលរដ្ឋឲ្យធ្វើការតវ៉ាចំពោះក្រុមគ្រូពេទ្យរដ្ឋ ឬពេទ្យស្ម័គ្រចិត្តដែលយកឧបករណ៍រដ្ឋហើយយកប្រាក់ពីប្រជាពលរដ្ឋព្រោះជាទង្វើគឺខុសស្រឡះពីយន្តការធ្វើតេស្តរបស់រដ្ឋ ៕
អត្ថបទ ៖ ណារី
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ