ព័ត៌មានជាតិ

អាជ្ញាធរខេត្តឧត្តរមានជ័យ ចុះពិនិត្យនិងណែនាំ ទីតាំងណាដែលប្រព្រឹត្តខុសពីសេចក្តីសម្រេចរាជរដ្ឋាភិបាល

បានផុស

៣ years មុន

នៅ

ថ្ងៃចន្ទ ២ សីហា ២០២១

ដោយ

អាជ្ញាធរខេត្តឧត្តរមានជ័យ និងសមត្ថកិច្ច បានដឹកនាំក្រុមការងារ ចុះពិនិត្យណែនាំទៅដល់ទីតាំងទាំងឡាយណា ដែលនៅបន្តប្រព្រឹត្តខុសពីសេចក្តីសម្រេចរាជរដ្ឋាភិបាល កាលយប់ម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារអនុគណៈកម្មការដឹកនាំការអនុវត្តច្បាប់ ក្នុងដែនសមត្ថកិច្ចក្រុងសំរោង ចំណុះឱ្យគណៈកម្មាការប្រយុទ្ធនឹងជំងឺឆ្លងកូវីដ-១៩ ខេត្តឧត្តរមានជ័យ បានចូលរួមសហការក្រោមការដឹកនាំរួមរបស់ឯកឧត្តម ឃិន ញាណ អភិបាលរងខេត្ត និងជាប្រធានក្រុមការងារ អនុគណៈកម្មការដឹកនាំការអនុវត្តច្បាប់ នៅក្នុងភូមិសាស្ត្រខេត្តឧត្តរមានជ័យ បានបន្តដឹកនាំក្រុមការងារ ចុះពិនិត្យលើការណែនាំកន្លងមក ដោយចាប់ផ្តើមអនុវត្តវិធានការរដ្ឋបាល ចំពោះទីតាំងទាំងឡាយណា ដែលនៅតែបន្តប្រព្រឹត្តខុសពីសេចក្តីសម្រេចរបស់រាជរដ្ឋាភិបាល និងអាជ្ញាធរខេត្តឧត្តរមានជ័យ កាលពីយប់ថ្ងៃទី០១ ខែសីហា ឆ្នាំ២០២១ ។

ទិដ្ឋភាពជារួមនៅយប់នេះ ក្នុងទីប្រជុំជនក្រុងពុំមានទីតាំងអាជីរកម្មលក់ដូរម្ហូបអាហារ (អាហារដ្ឋាន ភោជនីយដ្ឋាន) បើកទទួលភ្ញៀវនោះទេ មានន័យថា ម្ចាស់អាជីវកម្មអនុវត្តន៍សេវាកម្មបែបវេចខ្ចប់។

ទន្ទឹមនឹងនោះ ក្រុមការងារបានអនុវត្តវិធានការរដ្ឋបាល លើទីតាំងលំនៅឋានរបស់ប្រជាពលរដ្ឋ ចំនួន ០៣ទីតាំង ដែលមានការជួបជុំមនុស្សច្រើនលើសពី១០នាក់ និងពុំមានជាមនុស្សក្នុងក្រុមគ្រួសារតែមួយ ដោយបានធ្វើកិច្ចសន្យា ទទួលខុសត្រូវចំពោះមុខច្បាប់ជាធរមាន ក្នុងករណីដែលការជួបជុំនោះ បណ្តាលឱ្យមានការចម្លង ឬឆ្លងរីករាលដាលនៃជំងឺកូវីដ-១៩។ ក្រុមការងារអនុគណៈកម្មការដឹកនាំការអនុវត្តច្បាប់ នឹងបន្តចុះអនុវត្តវិធានការរដ្ឋបាលជាបន្តបន្ទាប់ នៅព្រឹកថ្ងៃស្អែក វេលាម៉ោង ៧៖៣០នាទីព្រឹក ជាបន្តទៀត៕

អត្ថបទ៖ ចាន់ ធី

Related Topics:ចុះត្រួតពិនិត្យ