អាវុធហត្ថបន្តអនុវត្តយ៉ាងតឹងរឹង ចំពោះវិធានការបម្រាមគោចរក្នុងរាជធានីដើម្បីសុវត្ថិភាពសហគមន៍

ក្រោពីសាលារាជធានីភ្នំពេញ បានដាក់បម្រាមគោចរ សម្រាប់រយៈពេល ១៤ថ្ងៃ គិតចាប់ពីម៉ោង ២៣និង៥៩​នាទី នាថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១រួចមក នាយប់ថ្ងៃម្សិលមិញនេះលោកឃួង ស្រេង អភិបាល នៃគណៈអភិបាលរាជធានីភ្នំពេញ អមដំណើរដោយ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ លោកស្នងការរងនគរបាលរាជធានីភ្នំពេញ ព្រមទាំងក្រុមការងារ បានដឹកនាំកម្លាំងចុះល្បាតតាមគោលដៅ ត្រួតពិនិត្យ វិធានការរដ្ឋបាល នៅក្នុងភូមិសាស្ត្ររាជធានីភ្នំពេញដោយមឹងម៉ាត់បំផុត។

ក្នុងអំឡុងពេលដាក់ចេញ បម្រាមគោចរ ដោយផ្អាកជាបណ្ដោះអាសន្ន នូវរាល់ការធ្វើចរាចរណ៍ និងរាល់សកម្មភាព ការងារ មុខរបរ ឬអាជីវកម្ម នៅចន្លោះម៉ោង២១ ដល់ម៉ោង៣ភ្លឺ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ តាមសេចក្ដីសម្រេចលេខ ២៤៩/២១ សសរ របស់រដ្ឋបាលរាជធានីភ្នំពេញ ចុះថ្ងៃទី២៩ ខែកក្កដា ឆ្នាំ២០២១។

ក្នុងបេសកកម្មត្រួតពិនិត្យការអនុវត្តបម្រាមគោចរ ខាងលើ សង្កេតឃើញថា បងប្អូនប្រជាពលរដ្ឋគ្រប់ស្រទាប់វណ្ណៈ បានចូលរួម យ៉ាងរលូន ប្រកបដោយស្មារតីទទួលខុសត្រូវខ្ពស់បំផុត។ ជាមួយនោះមានអ្នកល្មើសបំរាមគោចរតិចតួចបំផុតដែលសមត្ថកិច្ចកំពុងតែចាត់វិធានការណ៍ច្បាប់មិនលើកលែងឡើយក្នុងនោះម៉ូតូ២០មុឺនរៀលរថយន្ត១លានរៀលហើយអាចនឹងអនុវត្តវិធានការណ៍ផ្លូវច្បាប់ផងដែរចំពោះមានការរឹងទទឹងនោះ៕

អត្ថបទ ៖ វិមាន