ព័ត៌មានជាតិ

ដុតកម្ទេច ផលិតផលគ្រឿងក្នុងជ្រូក ទម្ងន់ជាងបីតោន

បានផុស

៤ years មុន

នៅ

ថ្ងៃសុក្រ ២៣ តុលា ២០២០

ដោយ

រថយន្ត១គ្រឿង ដឹកគ្រឿងក្នុងជ្រូក ចំនួន ៥៦កេស ស្មើនឹង ៣.៣៦០ គីឡូក្រាម ត្រូវបានសមត្ថកិច្ចឃាត់បាន កាលពីថ្ងៃទី២២ ខែតុលា ឆ្នាំ២០២០ នៅត្រង់ចំណុចស្នាក់ការគយទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីគយតំបន់៥ បានប្រាប់អ្នកយកព័ត៌មានឲ្យដឹងថា រថយន្តដែលសមត្ថកិច្ចឃាត់ បានដឹកគ្រឿងក្នុងជ្រូក ដូចជា សាច់ជ្រូក អណ្ដាត ឆ្អឹងជំនីរជ្រូក និងគ្រឿងក្នុងជ្រូកចម្រុះ ចំនួន ៥៦កេស ស្មើនឹង ៣.៣៦០ គីឡូក្រាម និង១កេសស្មើរ៦០គីឡូក្រាម ដកហូតទុកនៅស្នាក់ការគយទឹកថ្លា ។

មន្ត្រីគយតំបន់៥ បានឲ្យដឹងទៀតថា ផលិតផលចម្រុះទាំងអស់ មានការប្រែប្រួលសភាពដើម មានក្លិនស្អុយ ហើយសមត្ថកិច្ចចម្រុះ សម្រេចធ្វើការដុតកម្ទេចចោល តាមវិធានបសុពេទ្យ នៅចំណុចដីវាល ស្ថិតក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នាវេលាម៉ោង ១២ព្រឹក ថ្ងៃទី២២ ខែតុលា ឆ្នាំ ២០២០៕

អត្ថបទ ៖ វ៉ាន់ ណាង