ព័ត៌មានជាតិ
អាជ្ញាធរខេត្តបាត់ដំបង ចាប់ផ្តើមដាក់បម្រាមគោចរហើយ
រដ្ឋបាលខេត្តបាត់ដំបង បានចាប់ផ្ដើមដាក់បម្រាមគោចរហើយ កាលពីយប់ថ្ងៃទី៤ ខែសីហានេះតទៅ ដើម្បីចូលរួមទប់ស្កាត់ការរីករាលដាលជំងឺកូវីដ១៩ ចូលក្នុងសហគមន៍ ខណៈតួលេខអ្នកឆ្លងកូវីដ ប្រចាំថ្ងៃនៅតែមានអត្រាខ្ពស់នៅឡើយ។
លោក ផេង សិទ្ធី អភិបាលក្រុងបាត់ដំបងថ្លែងថា ការអនុវត្តបម្រាមគោចរនេះ គឺដើម្បីចូលរួមកាត់បន្ថយការរីករាលដាលជំងឺកូវីដ១៩ ព្រោះក្នុងមួយរយៈពេលចុងក្រោយនេះអត្រានៃអ្នកឆ្លងជំងឺក្នុងខេត្តបាត់ដំបងនៅមានចំនួនច្រើនគួរឲ្យព្រួយបារម្ភ។ នៅក្នុងឱកាសដឹកនាំកម្លាំងសមត្ថកិច្ចចុះណែនាំដល់អ្នកលក់ដូរក្នុងពេលរាត្រី លោកអភិបាលក្រុង បានសំណូមពរដល់បងប្អូនប្រជាពលរដ្ឋ អាជីវករ និងយុវជនសូមចូលរួមអនុវត្តបម្រាមគោចរនេះឲ្យបានគ្រប់ៗគ្នា បើមិនស្ដាប់តាមនោះទេ អាជ្ញាធរនឹងអនុវត្តទៅតាមផ្លូវច្បាប់ដោយគ្មានការលើកលែងឡើយ។
គួររំលឹកថា រដ្ឋបាលខេត្តបាត់ដំបង បានចេញសេចក្ដីសម្រេចដាក់ចេញវិធានការរដ្ឋបាលសម្រាប់រយៈពេល១៤ថ្ងៃ ដោយគិតចាប់តាំងពីថ្ងៃទី៤ ខែសីហា ឆ្នាំ២០២១ នេះតទៅ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩។
សេចក្ដីសម្រេចនេះ បានបញ្ជាក់ថា ក្នុងអំឡុងពេលនៃការដាក់ចេញវិធានការរដ្ឋបាល ត្រូវបានផ្អាកជាបណ្ដោះអាសន្ននូវរាល់ការធ្វើចរាចរណ៍ និងរាល់សកម្មភាពការងារ មុខរបរ អាជីវកម្ម នៅចន្លោះម៉ោង៩យប់រហូតដល់ម៉ោង៣ ទៀបភ្លឺ។ ក្នុងករណីរកឃើញថា បុគ្គល ឬនីតិបុគ្គលទាំងឡាយដែលបំពានវិធានការនេះ ត្រូវអនុវត្តទណ្ឌកម្មរដ្ឋបាល និងទណ្ឌកម្មច្បាប់ រួមទាំងការផ្សព្វផ្សាយជាសាធារណៈចំពោះបុគ្គលល្មើស ស្របតាមច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺកាចសាហាវ ដែលប្រកបដោយគ្រោះថ្នាក់ធ្ងន់ធ្ងរផ្សេងៗ និងលិខិតបទដ្ឋានគតិយុត្តិពាក់ព័ន្ធជាធរមាន ដោយគ្មានការលើកលែងឡើយ។
ចាប់តាំងពីផ្ទុះជំងឺកូវីដ១៩នៅកម្ពុជា រហូតមកដល់ពេលនេះ ខេត្តបាត់ដំបង បានរកឃើញអ្នកឆ្លងជំងឺកូវីដ១៩ សរុបចំនួន៣,៨២១នាក់ ក្នុងនោះបានព្យាបាលជាសះស្បើយ២,២៣១នាក់ កំពុងសម្រាកព្យាបាលចំនួន ១,៥៤៥នាក់ និងស្លាប់៤៥នាក់៕
អត្ថបទ៖ សោ និយមរ័ត្ន
ឧស្សាហកម្មកាត់ដេរបង់ក្លាដែសស្ទុះងើបឡើងវិញ ប៉ុន្តែកម្មករនៅតែជួបការលំបាកក្នុងជីវភាពប្រចាំថ្ងៃ
ជនជាតិខ្មែរនៅរដ្ឋកាលីហ្វ័រញ៉ាមានជាង៣០ម៉ឺននាក់
ក្រុមហ៊ុនអាកាសចរណ៍ជាតិកម្ពុជា គ្រោងតភ្ជាប់គោលដៅហោះហើរថ្មីទៅជប៉ុន កូរ៉េខាងត្បូង និងអឺរ៉ុបឆាប់ៗនេះ
ក្រសួងសាធារណការព្រមានចាត់វិធានការផ្លូវច្បាប់លើអ្នកក្លែងបន្លំជាអ្នកផ្ដល់សេវារបស់ក្រសួង
មន្ត្រីជាន់ខ្ពស់អប់រំ៖ កម្មវិធី YSEALI បានចូលរួមចំណែកយ៉ាងសំខាន់ក្នុងការកសាងសមត្ថភាពយុវជននៅកម្ពុជាកាន់តែប្រសើរ
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
នាយឧត្តមសេនីយ៍ សៅ សុខា បញ្ជាឱ្យចាប់ឡានសារ៉ែនដែលបើកផ្លូវឱ្យអ្នកលក់អនឡាញឱ្យបាន
រថយន្ត ១ គ្រឿង ដឹកបុរសម្នាក់ ទម្លាក់ចោលមុខវត្តទួលសុភាឃួន ព្រឹកឡើងប្រទះឃើញស្លាប់បាត់បង់ជីវិត
រថយន្តស៊ីរ៉ែនបើកផ្លូវ ប្រើសម្រាប់តែក្បួនអមថ្នាក់ដឹកនាំជាន់ខ្ពស់ប៉ុណ្ណោះ
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានអន្ដរជាតិ១ សប្តាហ៍ agoអ្នកដំណើរមួយយន្តហោះ ជិះចេញពីព្រលាននៅឆ្នាំ២០២៥ តែចុះចតនៅឆ្នាំ២០២៤
-
ព័ត៌មានជាតិ១៧ ម៉ោង agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ចរាចរណ៍១៣ ម៉ោង agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ