ព័ត៌មានជាតិ

បរិបថកូវីដ១៩ កំពុងផ្ទុះ គ្លីនិកឯកជនណា មិនទទួលព្យាបាលអ្នកជំងឺ នឹងប្រឈមបិទទ្វារហូត

បានផុស

៤ years មុន

នៅ

ថ្ងៃសុក្រ ៦ សីហា ២០២១

ដោយ

លោក ម៉ម ប៊ុនហេង រដ្ឋមន្ត្រីក្រសួងសុខាភិបាលបានព្រមានបិទគ្លីនិកឯកជនណា ដែលមិនទទួលព្យាបាលអ្នកជំងឺ អំឡុងការឆ្លងរីករាលដាលនៃជំងឺកូវីដ១៩។ គ្រប់មន្ទីរពេទ្យទាំងអស់ត្រូវប្រកាន់យកគោលការណ៍ទទួលសង្គ្រោះ ព្យាបាលអ្នកជំងឺជាដាច់ខាត ដោយប្រើប្រាស់តេស្តរហ័សរកជំងឺកូវីដ១៩ ក្នុងការញែកអ្នកជំងឺ បើសង្ស័យថា អ្នកជំងឺកើតជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសបែបនេះត្រូវបានធ្វើឡើងបន្ទាប់ពីក្នុងរយៈការកន្លងមកនេះ មានបាតុភាពកើតឡើងជារឿយៗ ដែលមានអ្នកជំងឹសភាពធ្ងន់ធ្ងរបានទៅរកកន្លែងព្យាបាលនៅតាមសេវាសាធារណៈ(មន្ទីរពេទ្យរដ្ឋ) និងសេវាសុខាភិបាលឯកជន(គ្លីនិក ឯកជន) បែរជាមិនទទួលយកពួកគាត់ព្យាបាល ដែលធ្វើឱ្យជះឥទ្ធិពលមិនល្អមកលើក្រសួងសុខាភិបាល និងសេចក្ដីថ្លៃថ្នូររបស់គ្រូពេទ្យ។

អ្នកជំងឺកូវីដ-១៩ ២នាក់ទៀតបានស្លាប់ដោយសារជំងឺកូវីដ១៩

ដើម្បីឆ្លើយតបទៅនឹងបាតុភាពខាងលើនេះលោករដ្ឋមន្រ្តីបានដាក់ចេញនូវការណែនាំចំនួន៥ ចំណុចដល់ថ្នាក់ដឹកនាំ និងអ្នកទទួលខុសត្រូវមន្ទីរពេទ្យរដ្ឋ និងឯកជនទាំងអស់ទូទាំងប្រទេសឱ្យអនុវត្ត ដោយផ្ដោតសំខាន់ ត្រូវប្រកាន់យកគោលការណ៍ទទួលសង្គ្រោះ ព្យាបាលអ្នកជំងឺជាដាច់ខាត ដោយប្រើប្រាស់តេស្តរហ័សរកជំងឺកូវីដ១៩ ក្នុងការញែកអ្នកជំងឺ ហើយបើសង្ស័យថា អ្នកជំងឺកើតជំងឺកូវីដ១៩។ ក្នុងករណីដែលម្ចាស់មូលដ្ឋានសុខាភិបាលឯកជនណា ដែលមិនអនុវត្តតាមការណែនាំនេះ ក្រសួងសុខាភិបាល នឹងមានវិធានការបិទមូលដ្ឋានសុខាភិបាលឯកជននោះ មិនអនុញ្ញាតឱ្យទទួលព្យាបាលអ្នកជំងឺតទៅទៀតឡើយ៕

អានពិស្តារ៖