ព័ត៌មានជាតិ

វ៉ាក់សាំងកូវីដ១៩ ជំនួយជប៉ុនដែលនៅសល់ជាង ៦០ ម៉ឺនដូស នឹងដឹកមកដល់កម្ពុជាយប់នេះ

បានផុស

៣ years មុន

នៅ

ថ្ងៃសុក្រ ៦ សីហា ២០២១

ដោយ

វ៉ាក់សាំង AstraZeneca ដែលជាជំនួយរបស់រដ្ឋាភិបាលជប៉ុន ដែលនៅសល់ជាង ៦០ម៉ឺនដូស ក្នុងចំណោម១ លានដូស នឹងដឹកមកដល់កម្ពុជា នៅម៉ោង ៩ យប់ថ្ងៃទី ០៦ ខែសីហានេះ។ នេះបើតាមការឱ្យដឹងពីស្ថានទូតជប៉ុនប្រចាំកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំង AstraZeneca ជំនួយរបស់រដ្ឋាភិបាលជប៉ុនបានមកដល់កម្ពុជាជើងដំបូងកាលពីថ្ងៃទី ២៣ ខែកក្កដា ចំនួនប្រមាណ៣៣ម៉ឺន២ពាន់ដូស ក្នុងចំណោម១លានដូសរួចមកហើយ។

រដ្ឋាភិបាលជប៉ុនបានប្រកាសផ្ដល់ជំនួយវ៉ាក់សាំង AstraZeneca ចំនួនប្រមាណ១លានដូសដល់កម្ពុជា ដែលជំនួយនេះធ្វើឡើងស្របតាមចំណងមិត្តភាពរវាងជប៉ុន និងកម្ពុជា និងដោយផ្អែកលើស្ថានភាពកូវីដ១៩ នៅកម្ពុជានាពេលបច្ចុប្បន្ន។

ជំនួយនេះ នឹងជួយគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងកូវីដ១៩ ក៏ដូចជាកាត់បន្ថយការព្រួយបារម្ភមួយចំនួនរបស់ប្រជាជនកម្ពុជា៕