ព័ត៌មានជាតិ
អាជ្ញាធរនឹងមិនលើកលែង ចំពោះអាជីវករដែលយកបន្លែមកលក់លើចិញ្ចើមផ្លូវជាតិលេខ១
នៅអំឡុងដើមខែសីហានេះ គេសង្កេតឃើញអាជ្ញាធរខណ្ឌច្បារអំពៅបានចុះណែនាំដល់បងប្អូនអាជីវករបញ្ឈប់ការយកបន្លែមកដាក់លក់លើចិញ្ចើមផ្លូវជាតិលេខ១ ដែលបង្កការប៉ះពាល់ដល់សណ្តាប់ធ្នាប់ចរាចរណ៍សាធារណៈ។
ជាក់ស្តែងនៅថ្ងៃទី៦ ខែសីហានេះ លោក ចេង មុនីរ៉ា អភិបាលនៃគណអភិបាលខណ្ឌច្បារអំពៅ បានចេញបញ្ជាដល់លោក លោកស្រីចៅសង្កាត់ច្បារអំពៅទី១ លោកចៅសង្កាត់ច្បារអំពៅទី២ និងលោកស្រីចៅសង្កាត់និរោធ ត្រូវបន្តដាក់កម្លាំងចុះរៀបចំសណ្តាប់ធ្នាប់ ពិសេសទៅលើបងប្អូនអាជីវករលក់បន្លែដែលបានដាក់លក់លើចិញ្ចើមផ្លូវជាតិលេខ១ ចាប់ពីភ្លើងស្តុបមុខវត្តច្បារអំពៅ រហូតដល់មុខវត្តនិរោធ។ ហើយបើសិនជាបងប្អូនអាជីវករនៅតែបន្តលក់ដោយមិនគោរពតាមការណែនាំពីអាជ្ញាធរ គឺត្រូវចាប់បង្ខំ តែកុំប្រើហិង្សាឲ្យសោះ។
ទាក់ទិនទៅនឹងបទបញ្ជារបស់លោកអភិបាលខណ្ឌច្បារអំពៅ ដែលធ្វើឡើងនៅថ្ងៃទី៦ ខែសីហានេះ លោកយ៉ិន វុធ ចៅសង្កាត់ច្បារអំពៅទី២ បានប្រាប់ កម្ពុជាថ្មី ថា បន្ទាប់ពីទទួលសេចក្តីណែនាំរបស់លោកអភិបាលខណ្ឌរួចមក លោកក៏បានដឹកនាំកម្លាំងចុះទៅរៀបចំសណ្តាប់ធ្នាប់ភ្លាមៗ។ ពិសេសនៅលើចិញ្ចើមផ្លូវជាតិលេខ១មុខវត្តច្បារអំពៅ ដោយពិនិត្យឃើញផ្ទាល់ គឺមានបងប្អូនអាជីវករដែលពុំមែនរស់នៅក្នុងមូលដ្ឋានខណ្ឌច្បារអំពៅ យកមកបន្លែមកលក់លើចិញ្ចើមផ្លូវពិតប្រាកដមែន។ ក្នុងនោះលោកចៅសង្កាត់បានបញ្ជាក់ទៅបងប្អូនអាជីវករថា ចាប់ពីថ្ងៃស្អែកទៅអាជ្ញាធរនឹងចាប់បង្ខំ លែងយោគយល់ទៀតហើយ។
គួរបញ្ជាក់ថា ចាប់តាំងពីមានការបិទខ្ទប់រាជធានីភ្នំពេញ ក្នុងអំឡុងខែមេសាបន្ទាប់ពីមានការឆ្លងជំងឺកូវីដ១៩ដល់សហគមន៍មក គឺស្រាប់តែមានបងប្អូនអាជីវករភាគច្រើនមកពីស្រុកកៀនស្វាយ និងបណ្តាស្រុកជាយរាជធានីបានដឹកបន្លែតាមរ៉ឺម៉កមកដាក់លក់លើចិញ្ចើមផ្លូវជារៀងរហូតមក។ បើទោះជាអាជ្ញាធរជូនដំណឹងដល់ពួកគាត់ឲ្យទៅលក់ក្នុងផ្សារច្បារអំពៅក៏ដោយ។ ដោយពួកគាត់តែងលក់ដូរតាមរ៉ឺម៉កចល័តនោះ៕
អត្ថបទ ៖ នរា
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
កងទ័ពស៊ូដង់បើកការវាយលុកដ៏ធំដើម្បីដណ្តើមយករដ្ឋធានី Khartoum វិញ
សម្ដេច ហ៊ុន សែន ប្រាប់ជប៉ុនថា នៅអាស៊ាន កម្ពុជាបានយកចិត្តទុកដាក់លើស្ត្រីខ្លាំងជាងគេ
ឆ្មក់បង្រ្កាបទីតាំងឆ្នោតវៀតណាមក្នុងផ្សារកាប់គោ ឃាត់ខ្លួនមនុស្ស៣នាក់
ប្លែក! កុយ អេនណា ប្រាប់មូលហេតុក្នុងការរំលេចខ្លួនតុបតែងជា “ព្រះម៉ែធម្មជាតិ” ចំណាយពេល ៧ម៉ោង
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
ឈៀងម៉ៃ កំពុងធ្ងន់ធ្ងរដោយគ្រោះទឹកជំនន់
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ៧ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព