ព័ត៌មានជាតិ

ម៉ូតូកង់បីឥណ្ឌាសម្រុកដាក់លក់ ព្រោះគ្មានម៉ូយជិះ ដោយសារខ្លាចឆ្លងកូវីដ

បានផុស

៤ years មុន

នៅ

ថ្ងៃសុក្រ ៦ សីហា ២០២១

ដោយ

ភ្នំពេញ ៖ ម៉ូតូកង់បីឥណ្ឌា ដែលពីដំបូងឡើយ អ្នកដំណើរចូលចិត្តជិះនោះ តែដល់ពេលជំងឺកូវីដ១៩ឆ្លងរាលដាលដល់សហគមន៍ធ្វើឲ្យអ្នកដំណើរលែងហ៊ានជិះ ព្រោះខ្លាចឆ្លងជំងឺដ៏សាហាវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការរៀបរាប់ពីលោក ប៊ុន ថេប ជាអ្នកទទួលទិញ លក់ម៉ូតូកង់បីឥណ្ឌានៅគល់ស្ពានអាកាសក្បាលថ្នល់ក្នុងសង្កាត់ចាក់អង្រែលើខណ្ឌមានជ័យរាជធានីភ្នំពេញ បានប្រាប់កម្ពុជាថ្មីថា ក្នុងអំឡុងពេលដែលជំងឺកូវីដ១៩ឆ្លងរាលដាលដល់សហគមន៍យ៉ាងខ្លាំងក្លា រហូតដល់មានការបិទខ្ទប់ទីក្រុងភ្នំពេញនិងខេត្តកណ្តាលមកឃើញថា អ្នកដំណើរលែងហ៊ានជិះកង់បីឥណ្ឌា ព្រោះតែខ្លាចឆ្លងជំងឺកូវីដ១៩ បើទោះបីម្ចាស់កង់បីខិតខំរក្សាអនាម័យដោយមានដាក់អាកុល ឬ ដាក់របាំងទប់ស្កាត់ការនិយាយស្តីទៅខ្ទាតទឹកមាត់ពីអ្នកបើកបរមកអ្នកអង្គុយក្រោយក៏ពុំមានអ្នកដំណើរហ៊ានជិះដែរ។ ដូច្នេះអ្នកប្រកបអាជីវកម្មរត់កង់បីឥណ្ឌាបានយកកង់បីមកដាក់លក់ជាបន្តកន្ទុយគ្នាក្នុងតម្លៃថោកក៏ដោយ។

លោក ប៊ុន ថេប បានបញ្ជាក់ថា កង់បីឥណ្ឌានេះភាគច្រើនបងប្អូនប្រជាពលរដ្ឋលោកទិញពីក្រុមហ៊ុនគឺបង់រំលោះជារៀងរាល់ខែ។ តែចៃដន្យជំងឺកូវីដ១៩នេះ បានឆ្លងរាលដាលដល់សហគមន៍មកទើបធ្វើឲ្យអ្នកដំណើរលែងហ៊ានជិះរហូតដល់បងប្អូនអ្នកប្រកបអាជីវកម្មរត់កង់បីត្រូវលក់គោក្របីមកបង់រំលោះហើយខ្លះទៀតសម្រេចលក់ យកលុយបង់ទៅក្រុមហ៊ុនដោយសារធុញទ្រាន់និងការតាមទារលុយពុំមានការយោគយល់ឡើយ។

ហើយកង់បីនេះ បើទិញបង់រំលោះមួយគ្រឿងតិចបំផុតជិត៤០០០ដុល្លារ។ តែដល់ពេលយកមកលក់នៅកន្លែងបញ្ជរលក់បានមិនដល់១៥០០ដុល្លារផង៕

ដោយ ៖ នរា