ព័ត៌មានជាតិ

ថ្ងៃនេះខេត្តប៉ៃលិន បន្តរកឃើញ អ្នកវិជ្ជមានកូវីដ-១៩ ចំនួន៣១នាក់ សុទ្ធតែជាពលករដែរធ្វើចត្តាឡឺស័ក ក្នុងមណ្ឌលចត្តាឡីស័កខេត្ត

បានផុស

៤ years មុន

នៅ

ថ្ងៃសៅរ៍ ៧ សីហា ២០២១

ដោយ

ប៉ៃលិន ៖ រដ្ឋបាល ខេត្តប៉ៃលិន បានប្រកាសបន្តរកឃើញអ្នកវិជ្ជមាន កូវីដ-១៩ តាមរយៈការធ្វើតេស្តរហ័ស (Rapid Test) ចំនួន ៣១នាក់ និងជាសះស្បើយមានចំនួន ២នាក់ ផងដែរ។ នេះបើយោង តាម សេចក្ដីប្រកាសព័ត៌មាន របស់រដ្ឋបាល ខេត្តប៉ៃលិន ចេញនៅ ថ្ងៃទី ០៧ ខែ សីហា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តប៉ៃលិន បានឲ្យដឹងថា អ្នកវិជ្ជមាន កូវីដ-១៩ ទាំង៣១នាក់ សុទ្ធជាពលករខ្មែរមកពីប្រទេសថៃ ដែលកំពុងធ្វើចត្តាឡឺស័ក នៅក្នុងមណ្ឌលខេត្តប៉ៃលិនតែម្តង។

ជាមួយគ្នានេះ រដ្ឋបាល ខេត្តប៉ៃលិន ក៏ អំពាវនាវដល់បងប្អូន ប្រជាពលរដ្ឋ ដែលធ្លាប់ប្រាស្រ័យ ទាក់ទង ដោយផ្ទាល់ ឬប្រយោល ជាមួយអ្នកវិជ្ជមានកូវីដ-១៩ ទាំង ៣១នាក់ សូមចូលរួមពិនិត្យសុខភាពជាប្រចាំ ប្រសិនជាសង្ស័យ ត្រូវមកពិនិត្យសំណាក ជាបន្ទាន់នៅ មន្ទីរពេទ្យ ឬមណ្ឌលសុខភាពដែលនៅជិតបំផុត ដើម្បីទប់ស្កាត់ការឆ្លង រាលដាល នៃជំងឺ កូវីដ-១៩ និង ត្រូវអនុវត្តឱ្យបានខ្ជាប់ខ្ជួន នូវ វិធានការ “៣ការពារ និង៣កុំ”ផងដែរ៕

ដោយ ៖ សេង សុវណ្ណារិទ្ធ