លោក ​ជិន ម៉ាលីន ជូនដំណឹង​ថា មានគណនីហ្វេសប៊ុកមួយ ប្រើប្រាស់រូបភាព របស់លោក ដោយគ្មានការអនុញ្ញាត

លោក ជិន ម៉ាលីន រដ្ឋលេខាធិការក្រសួងយុត្តិធម៌ និងជាអនុប្រធាន គណៈកម្មាធិការសិទ្ធិមនុស្សកម្ពុជា បាន​ជូន​ដំ​ណឹ​ងថា មានគណនីហ្វេសប៊ុកឈ្មោះ ​កែវ ភក្តី បានប្រើប្រាស់រូបភាពរបស់លោក ដោយគ្មានការអនុ​ញ្ញាត ក្នុងការផ្សព្វផ្សាយរូបភាព និងព័ត៌មាន វាយប្រហាររាជរដ្ឋាភិបាល។

លោក ជិន ម៉ាលីន បានបង្ហោះនៅលើគណនីហ្វេសប៊ុក របស់លោក នៅព្រឹកថ្ងៃទី៩ ខែសីហានេះថា «សេចក្តី​ជូនដំណឹង Facebook Account ក្លែងក្លាយ ឈ្មោះ កែវ ភក្តី បានប្រើប្រាស់រូបភាពរបស់ខ្ញុំ ដោយគ្មានការអនុ​ញ្ញាត ក្នុងការផ្សព្វផ្សាយរូបភាព និងព័ត៌មាន វាយប្រហាររដ្ឋាភិបាល។ ដូច្នេះ ខ្ញុំមិនទទួលខុសត្រូវឡើយ រាល់រូបភាព និងព័ត៌​មាន ដែលផ្សព្វផ្សាយនៅលើ Account ក្លែងក្លាយមួយនេះ និងសូមសាធារណជនទាំងអស់ មានការប្រុងប្រយ័ត្ន»៕