ខេត្តឧត្ដរមានជ័យ រកឃើញអ្នកឆ្លងកូវីដ-១៩ ចំនួន៣៤ករណី អ្នកឆ្លងសរុប៥,២៩៦ករណី

រដ្ឋបាលខេត្តឧត្តរមានជ័យ បានចេញសេចក្ដីប្រកាសជូនសាធារណជនឱ្យបានជ្រាបថា ក្រុមគ្រូពេទ្យ នៃមន្ទីរពេទ្យបង្អែកខេត្តឧត្ដរមានជ័យ បានរកឃើញករណីវិជ្ជមានកូវីដ–១៩ចំនួន៣៤ករណី និងជាសះស្បើយចំនួន២៣០នាក់បន្ថែមទៀត។ 

ដោយគិតត្រឹមម៉ោង១៧:៣០នាទី ថ្ងៃទី​​០៩ ខែសីហា ឆ្នាំ២០២១នេះ ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ-១៩ ចំនួន៥,២៩៦ ករណី ក្នុងនោះករណីនាំចូលពីក្រៅប្រទេសចំនួន ៤,៦០៩ករណី និងករណីឆ្លងក្នុងសហគមន៍ ២០កុម្ភៈ ចំនួន ៦៨៦ករណី ព្រមទាំងបានព្យាបាលជាសះស្បើយចំនួន ១,៥៩០នាក់ កំពុងសម្រាកព្យាបាលចំនួន ៣,៦៩៧ នាក់ និងស្លាប់ចំនួន ០៩នាក់។

ដើម្បីចូលរួមទប់ស្កាត់នូវការចម្លងជំងឺកូវីដ–១៩ ឱ្យកាន់តែមានប្រសិទ្ធភាព រដ្ឋបាលខេត្តឧត្ដរមានជ័យ បានជំរុញឱ្យប្រជាពលរដ្ឋគ្រប់រូបចងចាំ និងចូលរួមអនុវត្តឱ្យបានខ្ជាប់ខ្លួនជានិច្ចនូវវិធានការការពារខ្លួនសាមញ្ញៗ និងត្រូវបន្ដប្រុងប្រយ័ត្នផ្ទាល់ខ្លួនពីការឆ្លងជំងឺកូវីដ–១៩ ដោយអនុវត្តឱ្យខាងតែបាននូវវិធានការ “៣កុំ និង ៣ការពារ”៕

អត្ថបទ៖ ចាន់ ធី