ព័ត៌មានជាតិ

និស្សិតកម្ពុជា ទាំង១២៨ នាក់ នៅប្រទេសអ៉ីស្រាអែល បានមកដល់កម្ពុជាហើយ

បានផុស

៤ years មុន

នៅ

ថ្ងៃពុធ ២៥ វិច្ឆិកា ២០២០

ដោយ

លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការ អន្តរជាតិកម្ពុជា បានឲ្យដឹងថា និស្សិតកម្ពុជាទាំង១២៨ នាក់ ដែលបានបញ្ចប់ការសិក្សាខាងជំនាញកសិកម្មនៅប្រទេសអ៊ីស្រាអែល ហើយជួបបញ្ហាពិបាក ក្នុងការធ្វើដំណើរត្រឡប់មកមាតុភូមិវិញ ដោយសារការរីករាលដាលជំងឺកូវីដ-១៩ នោះ បានមកដល់ប្រទេសកម្ពុជាវិញ នៅថ្ងៃទី២៥ ខែវិច្ឆិកា ឆ្នាំ២០២០នេះ វេលាម៉ោង៦ព្រឹក តាមជើងយន្តហោត្រង់ពីអ៊ីស្រាអែលមកកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កុយ គួង នៅថ្ងៃទី២៦ ខែវិច្ឆិកា ឆ្នាំ២០២០ វេលាម៉ោង១០ និង៤៥ យប់ ជើងយន្តហោះដដែលនេះ នឹងដឹកជញ្ជូននិស្សិតកម្ពុជាខាងជំនាញកសិកម្មចំនួន២៥០ នាក់ផ្សេងទៀត ត្រលប់ទៅបន្តការសិក្សានៅប្រទេសអ៊ីស្រាអែលវិញ។

សូមបញ្ជាក់ថា រាជរដ្ឋាភិបាលកម្ពុជា តាមរយៈក្រសួងការបរទេស និងសហប្រតិបត្តិការអន្តរជាតិ បានធ្វើការសម្របសម្រួលជាមួយរដ្ឋាភិបាលអ៊ីស្រាអែល ដើម្បីរៀបចំមាតុភូមិនិវត្តន៍និស្សិតកម្ពុជាចំនួន១២៨នាក់ ដែលបានបញ្ចប់ការសិក្សានៅប្រទេសអ៊ីស្រាអែល ហើយជួបការលំបាកក្នុងការធ្វើដំណើរ ក្នុងអំឡុងពេលវិបត្តិកូវីដ-១៩ នេះ ហើយដោយមានកិច្ចសហការល្អរវាងរដ្ឋាភិបាលនៃប្រទេសទាំងពីរ ភាគីអ៊ីស្រាអែល ក៏បានសម្រេចបញ្ជូននិស្សិតទាំងនោះមកកម្ពុជាវិញ៕

អត្ថបទ៖ កោះកែវ

សូមចុចអាន៖ ជប៉ុនជួយដល់កម្ពុជា គ្រប់វិស័យលើការកសាងហេដ្ឋារចនាសម្ព័ន្ធ និងអភិវឌ្ឍន៍ធនធានមនុស្ស

Related Topics:និស្សិតខ្មែរ