ព័ត៌មានជាតិ
រដ្ឋមន្រ្តីស៊ុន ចាន់ថុល វិលមកដឹកនាំក្រសួងសាធារណការជាថ្មី ជាប់ឈ្មោះរដ្ឋមន្រ្តីកណ្តាប់ដៃដែក
លោកស៊ុន ចាន់ថុល ជារដ្ឋមន្រ្តីដ៏លេចធ្លោហើយជារដ្ឋមន្រ្តីដែលតែងតែប្រើកណ្តាប់ដៃ និងភាពច្នៃប្រឌិតក្នុងការកែទម្រង់ការងារ។ មានប្រវត្តិបញ្ចប់ការសិក្សានៅអាមេរិក ធ្លាប់កាន់ការងារនៅក្រុមហ៊ុនឯកជនមិនក្រោម ១០ ឆ្នាំ ហើយប្រឡូកការងាររាជការជាង ២០ ឆ្នាំ រដ្ឋមន្រ្តីរូបនេះតែងតែសាងស្នាដៃលេចធ្លោ កែទម្រង់គ្រប់ប្រព័ន្ធការងារដែលលោកចូលទៅដឹកនាំ។
មុនមកកាន់ការងារនៅក្រសួងសាធារណការជាថ្មីនៅឆ្នាំ ២០១៦ លោកធ្លាប់បានទៅគ្រប់គ្រងការងារនៅក្រសួងពាណិជ្ជកម្មជាង ៣ ឆ្នាំ។
កាន់ក្រសួងពាណិជ្ជកម្មពីឆ្នាំ ២០១៣ ដល់ ២០១៦ លោកស៊ុន ចាន់ថុលបានកែប្រែប្រព័ន្ធការងារមួយចំនួន និងសម្រេចស្នាដៃថ្មីៗជាប្រវត្តិសាស្រ្តជាច្រើន។ រដ្ឋមន្រ្តីសកម្មរូបនេះ ជាអ្នកផ្តួចផ្តើមគំនិតក្នុងការកំណត់រូបមន្តតម្លៃលក់រាយប្រេងឥន្ធនៈ តាមតម្លៃប្រេងឡើងចុះទៅតាមទីផ្សារអន្តរជាតិ។ ការកំណត់រូបមន្តនេះធ្វើឡើង បន្ទាប់ពីតម្លៃប្រេងសាំងនៅកម្ពុជានៅតែបន្តឡើងថ្លៃប្រៀបធៀបបណ្ដាប្រទេសជិតខាង បើទោះបីតម្លៃប្រេងនៅលើពិភពលោកចុះថ្លៃខ្លាំងក៏ដោយ។
ជាមួយគ្នានេះ លោកក៏បានបង្កើតប្រព័ន្ធចុះបញ្ជីពាណិជ្ជកម្មតាមអនឡាញ ដោយម្ចាស់សហគ្រាសឬក្រុមហ៊ុនទាំងអស់អាចចុះបញ្ជីនៅគ្រប់ទីកន្លែង ពេលណាក៏បានឱ្យតែមានប្រព័ន្ធអ៊ីនធឺណិត។ លើសពីនេះថែមទាំងអាចបង់ប្រាក់អនឡាញសម្រាប់ថ្លៃចុះបញ្ជីបានយ៉ាងងាយស្រួល។
ក្នុងអណ្ណតដែលលោកនៅកាន់រដ្ឋមន្ត្រីក្រសួងពាណិជ្ជកម្ម លោកបានផ្ដួចផ្ដើមក្នុងការដាក់បទចម្រៀងមរតកដើមរបស់លោកស៊ីន ស៊ីសាមុត និងលោកស្រី រស់ សេរីសុទ្ធា ពីទសវត្សរ៍ឆ្នាំ៦០ និងឆ្នាំ៧០ ចូលនៅក្នុងកម្មសិទ្ធិបញ្ញាដើម្បីការពារស្នាដៃសិល្បករជំនាន់ដើមពីការក្លែងបន្លំនិងលួចចម្លងស្នាដៃ។
ក្រៅពីសម្រេចបានស្នាដៃដ៏ត្រចះត្រចង់នៅក្រសួងពាណិជ្ជកម្ម ពេលវិលត្រឡប់មកដឹកនាំជារដ្ឋមន្រ្តីក្រសួងក្រសួងសាធារណការ និងដឹកជញ្ជូនលើកទីពីរនៅពីឆ្នាំ ២០១៦ មកដល់បច្ចុប្បន្ននេះ លោករដ្ឋមន្រ្តីស៊ុន ចាន់ថុល នៅតែបន្តកែទម្រង់លុបប្រព័ន្ធការងារសាំញ៉ាំនៅក្នុងក្រសួងសាធារណការ ដែលកើតឡើងរាប់ឆ្នាំមកហើយ បង្ខិតសេវាកាន់តែកៀកប្រជាពលរដ្ឋ ប្រើប្រាស់ប្រព័ន្ធបច្ចេកវិទ្យា ដើម្បីផ្តល់សេវាសាធារណៈប្រកបដោយប្រសិទ្ធភាព។
ស្នាដៃលេចធ្លោរបស់រដ្ឋមន្រ្តីស៊ុន ចាន់ថុលក្នុងរយៈពេល ៥ ឆ្នាំមកនេះក្នុងការមកដឹកនាំនៅក្រសួងសាធារណការមានដូចជា៖
១- ដាក់ឲ្យប្រើប្រាស់ប្រព័ន្ធស្វ័យប្រវត្តិកម្មចុះបញ្ជីយានយន្ត។
២- បង្កើតមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) នៅតាមបណ្តាខេត្ត និងឆៀកចល័តតាមខេត្តក្រុង។
៣- បើកដំណើរការមណ្ឌលប្ដូរនិងពន្យារបណ្ណបើកបរនៅតាមផ្សារទំនើបនានានៅទីក្រុងភ្នំពេញ និងពង្រីកទៅដល់ខេត្តសៀមរាប។
៤- បង្កើតប្រព័ន្ធស្វ័យប្រវត្តិកម្មលក់លេខពិសេសផ្ទាល់ខ្លួន។
៥- បង្កើតកម្មវិធីថែទាំផ្លូវ (ROAD CARE Mobile App)។
៦- បំពាក់ប្រព័ន្ធ QR Code នៅលើស្លាកលេខរថយន្ដ និងម៉ូតូជៀសផុតពីការក្លែងបន្លំ។
៧- ផ្ដួចផ្ដើមគំនិតអភិវឌ្ឍវិស័យដឹកជញ្ជូនអ្នកដឹកដំណើរតាមផ្លូវទឹកក្នុងភូមិសាស្ត្ររាជធានីភ្នំពេញ។
៨- ប្រើកណ្ដាប់ដៃដែក ក្នុងការត្រួតពិនិត្យយានយន្តកែច្នៃខុសបច្ចេកទេស និងដឹកលើសទម្ងន់។
៩- ដាក់ឲ្យដំណើរការខ្សែរថភ្លើងភ្នំពេញខេត្តព្រះសីហនុ ដែលជាការបើកទំព័រសករាជថ្មីនៃវិស័យសេវាដឹកជញ្ជូនផ្លូវដែករបស់ប្រទេសកម្ពុជា។
១០-បង្កើតវិទ្យាស្ថានតេជោសែនសាធារណការ និងដឹកជញ្ជូន។
១១- បង្កើតទីស្តីការក្រសួងសាធារណការនិងដឹកជញ្ជូនថ្មី។
១២- សម្រួលនីតិវិធីកាត់ឈ្មោះយានយន្ត កុំឲ្យស្មុគស្មាញ បន្ថយការចំណាយក្រៅផ្លូវការ។
១៣- បង្កើតកម្មវិធីដកពិន្ទុប័ណ្ណបើកបរ។
១៣- គម្រោងអភិវឌ្ឍផ្លូវល្បឿនលឿនភ្នំពេញ-ព្រះសីហនុ (បញ្ចប់ឆ្នាំ២០២២)។
១៤- គម្រោងផ្លូវល្បឿនលឿនភ្នំពេញ-បាវិត (កំពុងរកដៃគូអភិវឌ្ឍ)។
១៥- គម្រោងផ្លូវក្រវាត់ក្រុងទី ៤ (កំពុងសិក្សា)។
១៦- គម្រោងប្រព័ន្ធរថភ្លើងធុនស្រាលនៅភ្នំពេញ។
ក្រៅពីកិច្ចការងារទាំងអស់នេះ លោករដ្ឋមន្រ្តីបានកែប្រែហេដ្ឋារចនាសម្ព័ន្ធផ្លូវស្ពាន អាទិភាពលើគុណភាពជាចក្ខុវិស័យរបស់ក្រសួងសាធារណការ និងដឹកជញ្ជូន។
លោករដ្ឋមន្រ្តីប្រកាសនៅមុខមន្រ្តីក្រសួង ក៏ដូចជាក្រុមហ៊ុនទទួលម៉ៅការសាងសង់ផ្លូវថា លែងទទួលយកផ្លូវធ្វើជាប់រហូតទៀតហើយ តែទទួលយកផ្លូវរឹងមាំ និងមានគុណភាពខ្ពស់តាមស្តង់ដាអន្តរជាតិ។ ទន្ទឹមនឹងនេះ លោករដ្ឋមន្ត្រីបានបញ្ជាក់ពីគោលជំហរ ក្នុងការពង្រឹងការគ្រប់គ្រងលើការសាងសង់យ៉ាងម៉ឺងម៉ាត់ ដើម្បីធានាគុណភាពផ្លូវប្រើប្រាស់ជាប់បានយូរអង្វែង ដោយចុះតាមដានតាំងពីចាប់ផ្ដើមបើកការដ្ឋានសាងសង់ រហូតដល់ការប្រគល់ទទួល៕
អត្ថបទ៖ ប៊ុណ្ណារ៉ា
ក្រសួងការងារ.៖ រាជរដ្ឋាភិបាលកម្ពុជាដាក់ចេញគោលនយោបាយ NEP សំដៅបង្កើនឱកាសការងារជូនប្រជាពលរដ្ឋ
ក្រសួងវប្បធម៌ អំពាវនាវឱ្យបញ្ឈប់ការប្រើ “កិច្ចពិធីបូជាព្រះសិវលិង្គ” ក្នុងពិធីមង្គលការ ព្រោះប្រាសចាកប្រពៃណី
សន្តិបណ្ឌិត នេត សាវឿន ស្នើសមត្ថកិច្ចការពារសន្តិសុខជូនប្រតិភូថៃ ក្នុងព្រឹត្តិការណ៍កីឡាបាល់ទាត់មិត្តភាព
អ្នកស្រុកបាធាយ ខេត្តកំពង់ចាម ម្នាក់ទៀតហើយ ទទួលបានទឹកប្រាក់រង្វាន់ធំ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
បឺត សង្ឃឹម ដណ្តើមខ្សែក្រវាត់ ISKA ជួបជើងខ្លាំងម្ចាស់ខ្សែក្រវាត់ ៩ ស្ថាប័ន
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
រុស្ស៊ីបាញ់មីស៊ីលវាយប្រហារស្រុកកំណើត លោក ហ្សេលេនស្គី ចំពេលមេដឹកនាំអឺរ៉ុបជួបគ្នានៅ បែលហ្ស៊ិក
ករណីបែកធ្លាយវីដេអូអធិការស្រុករតនមណ្ឌលជុំគ្នាផឹកស្រាក្នុងឯកសណ្ឋានជានគរបាល ក្រសួងមហាផ្ទៃកំពុងស្រាវជ្រាវ
ក្តៅគគុក! ចិននិងអាមេរិក សុទ្ធតែប្រកាសត្រៀមខ្លួនរួចរាល់ ច្បាំងគ្នាក្នុងសង្គ្រាម
-
សន្តិសុខសង្គម៣ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៤ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ៣ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៧ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១៥ ម៉ោង agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ២ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៦ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ២១ ម៉ោង agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ