ព័ត៌មានជាតិ
អគារមន្ទីរពេទ្យកាល់ម៉ែតកម្ពស់ ១២ ជាន់ សាងសង់សម្រេចបានជាង ៦០ភាគរយ
ភ្នំពេញ៖ អគារមជ្ឈមណ្ឌលពហុឯកទេសនៅមន្ទីរពេទ្យកាល់ម៉ែតមានកម្ពស់ ១២ ជាន់ ដែលបានដំណើរការសាងសង់កាលពីដើមខែមីនាឆ្នាំ២០១៨ កន្លងទៅ រហូតមកដល់ពេលនេះសម្រេចបានជាង ៦០ ភាគរយហើយគ្រោងបញ្ចប់ជាស្ថាពរនៅអំឡុងខែកញ្ញាឆ្នាំ២០២២ខាងមុខនេះ។
បើតាមលោក គង់ សន្យា អគ្គនាយករងមន្ទីរពេទ្យកាល់ម៉ែតបានមានប្រសាសន៍នៅរសៀលថ្ងៃទី១១សីហានេះថា បច្ចុប្បន្នអគារមជ្ឈមណ្ឌលពហុឯកទេសនៅមន្ទីរពេទ្យកាល់ម៉ែត សម្រេចការសាងសង់បានជាង៦០ភាគរយ គ្រោងបញ្ចប់ការសាងសង់នៅខែកញ្ញាឆ្នាំ២០២២ខាងមុខនេះ។

“ក្រុមហ៊ុនសាងសង់កំពុងមមាញឹក ក្នុងការបញ្ចប់ការងារដែលនៅសេសសល់ដូចជាក្រាលឥដ្ឋការ៉ូ រៀបចំជញ្ជាំង បន្ទប់ទឹក និងបំពាក់សម្ភារបរិក្ខាទំនើបៗ”។
លោកបានបញ្ជាក់ថា ការពង្រីកមន្ទីរពេទ្យកាល់ម៉ែត តាមរយៈការសាងសង់អគារព្យាបាលជំងឺថ្មីៗ ជាបន្តបន្ទាប់ គឺពិតជាមានសារៈសំខាន់ខ្លាំងណាស់ ដើម្បីឆ្លើយតបតាមតំរូវការ របស់ប្រជាពលរដ្ឋ ដែលមានជំងឺប្រចាំកាយ ដែលតែងតែទៅព្យាបាលនៅក្រៅប្រទេស ងាកមកព្យាបាលជំងឺនៅមន្ទីរពេទ្យនៅក្នុងស្រុកវិញ។
លោកបានបន្ថែមថា រាជរដ្ឋាភិបាល បានចាត់ទុកមន្ទីរពេទ្យកាល់ម៉ែត គឺជាមន្ទីរពេទ្យលំដាប់កំពូលមួយ របស់កម្ពុជា ដែលមានបច្ចេកទេសខ្ពស់ មានគ្រប់ឯកទេសសម្រាប់ព្យាបាល និងជាកន្លែងបណ្តុះបណ្តាលស្រាវជ្រាវ វេជ្ជសាស្រ្តដែលមានគុណភាពផងដែរ។


អគារមជ្ឈមណ្ឌលពហុឯកទេសនៅមន្ទីរពេទ្យកាល់ម៉ែត ត្រូវបានប្រារព្វពិធីបញ្ចុះបឋមសីលានិងបើកការដ្ឋានសាងសង់កាលពីទី ០៥ ខែមីនា ឆ្នាំ២០១៨ ក្រោមអធិបតីភាពលោកសាស្រ្តាចារ្យ ម៉មប៊ុនហេង រដ្ឋមន្រ្តីក្រសួងសុខាភិបាល ។

អគារនេះមានផ្ទៃក្រឡាសរុបជាង៤២.០០០ម៉ែត្រការ៉េមានកំពស់១២ជាន់ អាចផ្ទុកបានរហូតដល់ទៅ ៣២៨គ្រែ។ អគារទំនើប នេះបំពាក់នូវបច្ចេកវិទ្យាវេជ្ជសាស្ត្រឈានមុខ ដែលប្រមូលផ្តុំទៅដោយឯកទេសវេជ្ជសាស្ត្រ និងសល្យសាស្ត្រសំខាន់ៗទាំងអស់ រួមទាំងផ្នែកសង្គ្រោះបន្ទាន់ផ្នែកប្រពោធនកម្មពហុឯកទេសទំនើប ដោយចំណាយការសាងសាង់ឡើងក្នុងថវិកាវិនិយោគប្រមាណ៤០លានដុល្លារអាមេរិក ដែលបានមកពីការជួយជ្រោមជ្រែងឧបត្ថមពីក្រសួងសុខាភិបាល និងបណ្ដាអង្គការក្នុងនិងក្រៅស្រុកនានា ជាពិសេសស្ថានទូតបារាំងប្រចាំនៅប្រទេសកម្ពុជា៕
អត្ថបទ៖ សំអឿន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី