ព័ត៌មានជាតិ

ខេត្តព្រៃវែងបន្តរកឃើញអ្នកឆ្លងកូវីដ ថ្មី៥៥នាក់ និងស្លាប់២នាក់បន្ថែម

បានផុស

៤ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

រដ្ឋបាលខេត្តព្រៃវែង នៅថ្ងៃទី១១ ខែសីហា ឆ្នាំ២០២១ បានបន្តរកឃើញករណីវិជ្ជមានជំងឺកូវីដ-១៩ថ្មី ចំនួន៥៥នាក់បន្ថែម និងជាសះស្បើយ៦៥នាក់ ហើយក៏មានអ្នកស្លាប់២នាក់ផងដែរ។

ករណីរកឃើញអ្នកឆ្លងជំងឺកូវីដ-១៩ ទាំង៥៥នាក់នេះ គឺបានរកឃើញក្នុងមូលដ្ឋានក្រុង/ស្រុកចំនួន១០ មានដូចជា៖ ១- ក្រុងព្រៃវែង ចំនួន៤នាក់។ ២- ស្រុកព្រះសេ្ដច ចំនួន ១៧នាក់។ ៣-ស្រុកស្វាយអន្ទរ ចំនួន ៩នាក់។ ៤- ស្រុកពាមរក៍ ចំនួន៧នាក់។ ៥- ស្រុកកំពង់ត្របែក ចំនួន៥នាក់។ ៦- ស្រុកពារាំង ចំនួន៤នាក់។ ៧- ស្រុកបាភ្នំ ចំនួន៣នាក់។ ៨- ស្រុកពាមជរ ចំនួន ៣នាក់។ ៩- ស្រុកកញ្ជ្រៀច ចំនួន២នាក់។ ១០-ស្រុកមេសាង ចំនួន ១នាក់។

អ្នកវិជ្ជមានជំងឺកូវីដ-១៩ ទាំង៥៥នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តនិងតាមមន្ទីរពេទ្យបង្អែកស្រុកនីមួយៗ។

ទន្ទឹមនឹងនេះ រដ្ឋបាលខេត្តក៏សូមអំពាវនាវ ដល់អ្នកដែលបានប្រាស្រ័យទាក់ទងប៉ះពាល់ដោយផ្ទាល់ឬប្រយោលជាមួយបុគ្គលវិជ្ជមានកូវីដ-១៩ ខាងលើ សូមដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍ទៅអាជ្ញាធរដើម្បីយកសំណាកនិងធ្វើចត្តាឡីស័ក ។

សូមបញ្ជាក់ថា គិតត្រឹមថ្ងៃទី១១ ខែសីហា ឆ្នាំ២០២១ នេះ ខេត្តព្រៃវែង មានអ្នកឆ្លងជំងឺកូវីដ-១៩ សរុប ៥,១០១នាក់ ព្យាបាលជាសះស្បើយចំនួន៣,៩៧២នាក់ កំពុងសម្រាកព្យាបាលចំនួន១,០៣៩នាក់ និងស្លាប់ឡើងដល់៩០នាក់៕

អត្ថបទ ៖ សុខុម