ព័ត៌មានជាតិ
រំលឹកឆ្នាំ ២០១៦ ជោគជ័យប្រើរូបមន្តកំណត់តម្លៃប្រេងសាំង ការពារលក់បំប៉ោងតម្លៃតាមមាត់
ទីបំផុតនៅថ្ងៃ ០៩ មីនា ឆ្នាំ២០១៦ រដ្ឋាភិបាលបានចេញសេចក្តីប្រកាសសម្រេចការប្រើប្រាស់រូបមន្តរួមលើការកំណត់តម្លៃលក់រាយប្រេងឥន្ធនៈនៅកម្ពុជា ដើម្បីឲ្យសមស្របតាមតម្លៃទីផ្សារអន្តរជាតិ។
មុនពេលឈានប្រើប្រាស់រូបមន្តកំណត់តម្លៃប្រេងសាំងដែលមានការព្រមព្រៀងពីភាគីពាក់ព័ន្ធជាតំណាងក្រុមហ៊ុនប្រេងឥន្ធនៈនានា តម្លៃប្រេងសាំងនៅកម្ពុជាហក់ឡើងខ្ពស់បើធៀបប្រទេសជិតខាង ឬអាចនិយាយបានថាឡើងលឿនចុះយឺត បើទោះបីជាតម្លៃប្រេងសាំងនៅលើពិភពលោកធ្លាក់ចុះថ្លៃខ្លាំងក៏ដោយ។
លោក ស៊ុន ចាន់ថុល ដែលកាលនោះជារដ្ឋមន្ត្រីក្រសួងពាណិជ្ជកម្មបានលើកឡើងថា កម្ពុជាមិនទាន់មានរូបមន្តច្បាស់លាស់លើការកំណត់តម្លៃលក់ប្រេងសាំង ខណៈបណ្តាប្រទេសក្នុងតំបន់អាស៊ានតួយ៉ាងប្រទេសថៃបានប្រើប្រាស់រូបមន្តកំណត់តម្លៃប្រេងមួយច្បាស់លាស់ ចេញតម្លៃប្រេងជារៀងរាល់ថ្ងៃ ហើយនៅក្នុងប្រទេសវៀតណាមវិញ គឺអន្តរក្រសួងកំណត់តម្លៃប្រេងរៀងរាល់ ១៥ថ្ងៃម្តង។
រដ្ឋមន្ត្រីក្រសួងពាណិជ្ជកម្មលោកស៊ុន ចាន់ថុល លើកឡើងថា ការកំណត់រូបមន្តមានសារសំខាន់លើការគ្រប់គ្រងតម្លៃលក់ប្រេងសាំងតាមតម្លៃទីផ្សារអន្តរជាតិ មិនអាចឲ្យក្រុមហ៊ុនចេះតែស្រែកតាមតែមាត់តម្លៃសាំងថ្លៃ លក់មិនចំណេញតាមតែចិត្តនោះទេ។
ក្នុងរូបមន្តកំណត់តម្លៃប្រេងបានបញ្ជាក់ថា ដើម្បីរកតម្លៃលក់រាយប្រេងឥន្ធនៈក្នុងមួយលីត្រ គឺត្រូវយកមធ្យមភាគនៃផលិតផលប្រេងឥន្ធនៈលក់ដុំនៅប្រទេសសិង្ហបុរី ដែលចេញផ្សាយដោយក្រុមហ៊ុន Platts (MOPS) បូកជាមួយតម្លៃពន្ធ អាករផ្សេងៗ និង Premium (ចំណាយទូទៅ ប្រាក់ចំណេញ និងពន្ធលើប្រាក់ចំណេញ)។
គួរបញ្ជាក់ថា មកដល់ពេលនេះកម្ពុជាបានអនុវត្តការកំណត់តម្លៃលក់រាយប្រេងឥន្ធនៈដោយអន្តរក្រសួងដែលមានក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ និងក្រសួងរ៉ែ និងថាមពល នឹងចេញសេចក្តីប្រកាសពីតម្លៃលក់រាយប្រេងឥន្ធនៈតាមស្ថានីយឥន្ធនៈនានា ដោយបានប្រើប្រាស់រូបមន្តកំណត់តម្លៃថ្លៃលក់រាយ តាមតម្លៃប្រេងនៅលើទីផ្សារអន្តរជាតិ។ រូបមន្តនេះ អនុវត្តសម្រាប់ការលក់រាយប្រេងឥន្ធនៈមានប្រេងសាំងធម្មតា និងប្រេងម៉ាស៊ូត ប៉ុន្តែមិនអនុវត្តសម្រាប់ប្រេងសាំងស៊ុបពែរឡើយ។
បច្ចុប្បន្ននេះ កម្ពុជាមានក្រុមហ៊ុនចែកចាយប្រេងឥន្ធនៈធំៗចំនួន ៨ ដែលកំពុងធ្វើប្រតិបត្តិការ រួមមាន ក្រុមហ៊ុនសូគីម៉ិច (Sokimex) តេលា (Tela) ភី.ធី.ធី (PTT) កាល់តិច (Caltex) តូតាល់ (Total) សាវីម៉ិច (Savimex) ប្រាយធ៍ វិកធឺរី មេគង្គ (Bright Victory Mekong) និង អិល.អេច្ឆ.អ (LHR)៕
អត្ថបទ៖ ប៊ុណ្ណារ៉ា
ប្រជាពលរដ្ឋនៅទូទាំងប្រទេសកម្ពុជា អបអរសាទរចំពោះការប្រារព្ធទិវាសន្តិភាពនៅកម្ពុជា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់