ព័ត៌មានជាតិ
ក្រសួងពាណិជ្ជកម្មចាប់ផ្តើមពង្រឹង ការប្រមូលពន្ធទៅលើ ការធ្វើអាជីវកម្មតាមអនឡាញ
លោក ប៉ាន សូរស័ក្កិ រដ្ឋមន្ត្រីក្រសួងពាណិជ្ជកម្ម បានឲ្យដឹងថា នាពេលខាងមុខក្រសួងនឹងចាប់ផ្តើមរឹតបន្តឹងទៅលើ ការប្រមូលពន្ធឌីជីថលទៅ លើក្រុមហ៊ុន ឬបុគ្គល ដែលប្រកបអាជីវកម្មតាមអនឡាញ ដើម្បីប្រមូលចំណូលចូលរដ្ឋ។
ការចាប់ផ្តើមពង្រឹងទៅលើការបង់ពន្ធដារឌីជីថលនេះ ខណៈបច្ចុប្បន្ននេះ សន្ទុះនៃការធ្វើពាណិជ្ជកម្មតាមអនឡាញនៅកម្ពុជា បានកើនឡើងយ៉ាងខ្លាំង និងស្របទៅនឹងការរីកចម្រើននៃប្រព័ន្ធបច្ចេកវិទ្យា និងការយល់ដឹងនៃអ្នកប្រើប្រាស់លើប្រព័ន្ធអ៊ីនធើណេត។
ថ្លែងក្នុងពិធីសម្ពោធជាផ្លូវការយុទ្ធសាស្ត្រពាណិជ្ជកម្ម តាមប្រព័ន្ធអេឡិចត្រូនិកនៅថ្ងៃទី២៥ វិច្ឆិកានេះ លោករដ្ឋមន្ត្រីបានបន្តថា «ក្រសួងកំពុងសហការជាមួយក្រសួងប្រៃសណីយ៍ និងទូរគមនាគម ដើម្បីចុះបញ្ជីក្រុមហ៊ុន ដែលបានធ្វើអាជីវកម្មតាមប្រព័ន្ធអេឡិចត្រូនិក និងបញ្ជ្រាបចំណេះដល់អ្នកធ្វើអាជីវកម្ម និងអ្នកប្រើប្រាស់ឲ្យដឹងពីការទទួលខុសត្រូវនៃការបង់ពន្ធដាឌីជីថលនេះ»។
លោករដ្ឋមន្ត្រីបានបន្ថែមទៀតថា ចំពោះក្រុមហ៊ុនដែលមិនបានចុះបញ្ជីត្រឹមត្រូវតាមច្បាប់ នឹងត្រូវប្រឈមមុខនឹងបញ្ហាផ្សេងៗនៅថ្ងៃមុខ។ តែយ៉ាងណាក្តី លោករដ្ឋមន្ត្រីបានបញ្ជាក់ថា ក្រសួងនឹងលើកលែងចំពោះអ្នកធ្វើពាណិជ្ជកម្មតាមអ៊ីនធើណេត ដែលមានចំណូលទាប ផងដែរ។
ចំណែកលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងលោក គង់វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ កាលពីដើមខែវិច្ឆិកា ឆ្នាំ២០២០នេះ បានជួបពិភាក្សា អំពីយន្តការប្រមូលពន្ធពីការលក់សេវាឌីជីថល របស់ក្រុមហ៊ុនបច្ចេកវិទ្យាបរទេសធំៗ ដូចជា Netflix, Amazon, Alibaba, Facebook និង Google ជាដើម ដែលមិនចុះបញ្ជី ហើយរកចំណូលបានពីអ្នកប្រើប្រាស់នៅកម្ពុជា។ ចំពោះការងារនេះ ក្រសួងប្រៃសណីយ៍ និងទូរគមនាគមន៍ នឹងបន្តសហការជាមួយអគ្គនាយកដ្ឋានពន្ធដារ និង ក្រសួងសេដ្ឋកិច្ចនិងហិរញ្ញវត្ថុ ឲ្យបានកាន់តែជិតស្និទ្ធក្នុងគោលបំណង ដើម្បីបង្កើនចំណូលពន្ធជូនរដ្ឋ ជាពិសេសក្រុមហ៊ុនផ្តល់សេវាឌីជីថល និងប្រតិបត្តិករទូរគមនាគមន៍៕
អត្ថបទ៖ សំអឿន
សូមចុចអាន៖ បង្ក្រាបក្រុមចោរវ័យក្មេង ចាំស្ទាក់វាយប្លន់យកម៉ូតូ នៅផ្លូវជាតិលេខ៤
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ