ព័ត៌មានជាតិ

សន្តិសុខ មន្រ្តីបម្រើការនៅមណ្ឌលចត្តាឡីស័កកូវីដតម្រូវឲ្យ ៥ ថ្ងៃ ធ្វើតេស្តម្តង

បានផុស

៣ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

ខណៈដែលរដ្ឋាភិបាលត្រៀមបើកព្រំដែនឡើងវិញដើម្បីពលករវិលក្នុងស្រុក គណៈកម្មការអន្តរក្រសួងបានចេញវិធានការបន្ទាន់ ដើម្បីគ្រប់គ្រងការពារការឆ្លងរាលដាលនៃជំងឺកូវីដបំប្លែងខ្លួន ដោយរៀបចំមណ្ឌលចត្តាឡីស័កនិងមន្រ្តីដែលត្រូវបំពេញការងារជួរមុខ។

ដោយឡែកដើម្បីការពារអាយុជីវិត សុខភាព និងសុវត្ថិភាពដល់អ្នកគ្រប់គ្រង សន្តិសុខ និងអ្នកបម្រើការ និងទប់ស្កាត់ ពីការចម្លងទៅគ្រួសារចូលក្នុងសហគមន៍ និងធានាដល់ដំណើរការគ្រប់គ្រងមណ្ឌលចត្តាឡីស័កនោះ តាមសេចក្តីណែនាំរបស់ក្រសួងសុខាភិបាលតម្រូវឲ្យមានការធ្វើតេស្តជាទៀតទាត់សម្រាប់មន្រ្តី បុគ្គលិកដែលត្រូវធ្វើការផ្ទាល់។ ក្នុងសេចក្តីប្រកាសតម្រូវឲ្យធ្វើតេស្តរហ័ស រៀងរាល់៥ថ្ងៃម្តងដល់អ្នកគ្រប់គ្រង សន្តិសុខ និងអ្នកបម្រើការនៅមណ្ឌលចត្តាឡីស័កនីមួយៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការគ្រប់គ្រងពលករតាមមណ្ឌល ក្រសួងសុខាភិបាលបានក៏បានណែនាំដល់អាជ្ញាធរមានសមត្ថកិច្ចគ្រប់គ្រងមណ្ឌលចត្តាឡីស័ក ត្រូវយកចិត្តទុកដាក់បន្តតាមដានអាការៈអ្នកធ្វើ ចត្តាឡីស័កនៅក្នុងមណ្ឌលចត្តាឡីស័ក ដោយធ្វើតេស្តរហ័ស ក្នុងករណីមានការសង្ស័យ មុនការកំណត់។ ប្រសិនបើរកឃើញអវិជ្ជមាន ត្រូវបន្តធ្វើចត្តាឡីស័កឱ្យគ្រប់២១ថ្ងៃ ប៉ុន្តែបើរកឃើញវិជ្ជមានត្រូវបញ្ជូនទៅព្យាបាល។

ជាមួយគ្នានេះដែរ ដើម្បីធានានិរន្តភាពនៃការប្រើប្រាស់ឧបករណ៍តេស្តរហ័ស បណ្តារាជធានី-ខេត្ត ត្រូវរាយការណ៍ជាប្រចាំ អំពីចំនួនតេស្តរហ័សដែលបានប្រើប្រាស់ប្រចាំថ្ងៃ និងចំនួនតេស្តរហ័ស ដែលនៅសល់ក្នុងស្តុក៕

Related Topics:Featured