បើក​ព្រំដែន​​ឡើង​វិញ​យប់នេះ​អាជ្ញាធរ​ត្រៀម​ទទួល​ពលករជាប់គាំងរាប់​រយនាក់ ​

ខេត្តបន្ទាយមានជ័យ៖ ច្រកព្រំដែនខេត្តបន្ទាយមានជ័យ នឹងបេីកដំណេីរការឡេីងវិញនៅយប់នេះ ខណៈ​អាជ្ញាធរ​កំពុង​ត្រៀមទទួលពលករ ដែលជាប់គាំងជាច្រើនរយនាក់នៅច្រកព្រំដែន ដើម្បីដឹកតាមរថយន្តឆ្ពោះទៅតាមបណ្តាខេត្តផ្សេងៗ និងធ្វើការពិនិត្យរកមេរោគដែលតា ដែលឆ្លងមកពីប្រទេសថៃ យកទៅចត្តាឡីស័ក និងព្យាបាលបន្ត។ នេះបេីយោងសេចក្តីជូនដំណឹងរបស់រដ្ឋបាលខេត្តបន្ទាយមានជ័យ ប្រាប់ទៅអាជ្ញារខេត្តស្រះកែវប្រទេសថៃ។

ក្រោយពីវិធានការបិទខ្ទប់ខេត្តជាប់ព្រំដែនរយៈពេល ១៤ថ្ងៃកន្លងផុតទៅ ដើម្បីប្រយុទ្ធប្រឆាំងនឹងការឆ្លង​រាលដាល​​ក្នុងសហគមន៍កូវីដ.១៩ ប្រភេទដែលតា Delta នឹងត្រូវបញ្ចប់នៅម៉ោង ២៣:៥៩នាទី ថ្ងៃទី១២ ខែសីហា ឆ្នាំ២០២១ រដ្ឋបាលខេត្តបន្ទាយមានជ័យ  នឹងបេីកដំណើរការព្រំដែនឡើងវិញ ចាប់ពីម៉ោងសូន្យ ថ្ងៃ​ទី​១៣ ខែសីហា ឆ្នាំ ២០២១ តទៅ។សូមបញ្ជាក់ថាការបេីកដំណេីរការព្រំដែនឡេីងវិញនេះ កងកម្លាំងទាំង​បី​នៅខេត្តបន្ទាយមានជ័យ ក៏បានត្រៀមរថយន្ត ដឹកពលករដែលកំពុងជាប់គាំងនៅព្រំដែនក្នុងទឹកដីថៃ ជាច្រេីន​រយនាក់៕