ព័ត៌មានជាតិ

កូនប្រសាចាក់សម្លាប់ឪពុកក្មេក ក្នុងជម្លោះពាក្យសម្ដីជាមួយប្រពន្ធ

បានផុស

៤ years មុន

នៅ

ថ្ងៃសុក្រ ១៣ សីហា ២០២១

ដោយ

បុរសចំណាស់ម្នាក់បានស្លាប់ដោយសាររងការចាក់នឹងកាំបិត ក្នុងជម្លោះហិង្សាក្នុងគ្រួសារ ដែលបង្កឡើងរវាងបុរសជាកូនប្រសា និងស្ត្រីជាកូនបង្កើត នៅក្នុងផ្ទះល្វែងមួយកន្លែង ស្ថិតក្នុងភូមិត្នោតជ្រុំ៤ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ បង្កអោយមានការភ្ញាក់ផ្អើលកាលពីវេលាម៉ោង២រសៀលថ្ងៃទី១៣ ខែសីហា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសចំណាស់រងគ្រោះមិនទាន់ស្គាល់អត្តសញ្ញាណ មានវ័យជាង៦០ឆ្នាំ ។ ដោយឡែក កូនប្រសាជាអ្នកបង្ក ក៏មិនទាន់ស្គាល់អត្តសញ្ញាណដូចគ្នា មានវ័យជាង៣០ឆ្នាំ ដោយបច្ចុប្បន្ន ត្រូវបានសមត្ថកិច្ចឃាត់ខ្លួន និងកំពុងធ្វើការសាកសួរនាំនៅប៉ុស្តិ៍រដ្ឋបាលនគរបាលបឹងទំពុនទី២ ។

តាមប្រភពព័ត៌មានអោយដឹងថា នៅមុនកើតហេតុ ប្តីប្រពន្ធខាងលើបានឈ្លោះប្រកែកគ្នាជាខ្លាំង ធ្វើអោយបុរសជាឪពុកក្មេក ក៏ដូចជាឪពុកបង្កើតបានចូលទៅឃាត់ ក៏កកើតជម្លោះពាក្យសម្តីបន្តជាមួយបុរសកូនប្រសា រហូតឈានដល់ការប្រើកូនកាំបិតចុងស្រួច (កូនកាំបិតទាហាន) ចាក់ទៅលើបុរសជាឪពុកក្មេក បណ្តាលអោយរងរបួសធ្ងន់ ហើយត្រូវបានស្លាប់ពេលបញ្ចូនដល់មន្ទីរពេទ្យ ។

បច្ចុប្បន្នសមត្ថកិច្ចកំពុងចុះពិនិត្យធ្វើកោសល្យវិច័យនៅកន្លែងកើតហេតុ និងកំពុងធ្វើការសាកសួរនាំព័ត៌មានលម្អិតបន្ថែមពីសាច់ញាតិ ដើម្បីដឹងដំណើររឿងច្បាស់លាស់ ក៏ដូចជាមូលហេតុអ្វីដែលនាំអោយមានការកើតហិង្សាឈានដល់ចាក់សម្លាប់បែបនេះ ៕

អត្ថបទ ៖ លីហេង