ជាងប៉ះកង់ឡានខុសបច្ចេក​ទេស​បង្កឱ្យផ្ទុះរងរបួសធ្ងន់ធ្ងរ

បុរសជាជាងប៉ះកង់ឡានម្នាក់បានរងរបួសយ៉ាងធ្ងន់ធ្ងរខណះដែលជនរងគ្រោះឡើងជាន់សំបកកង់ឲ្យចូលក្នុងរង្វង់កង់ឡាន។

ហេតុការណ៍នេះបានកើតឡើងនៅវេលាម៉ោង៨និង៤៥នាទីព្រឹកថ្ងៃទី១៤ខែសីហា ស្ថិតនៅទីតាំងប៉ះនិងប្តូកង់ឡានក្បែផ្ទះសំណាក់សម្បតិមានហេងភូមិបឹងឈូកសង្កាត់និរោធខណ្ឌច្បារអំពៅរាជធានីភ្នំពេញ។

តាមសេចក្តីពីលោកគ្រី ហ៊ុច មន្ត្រីប្រចាំការសាលាខណ្ឌច្បារអំពៅបានឱ្យដឹងថា នៅម៉ោងកើតហេតុបុរសជាជាងប្តូកង់និងប៉ះកង់ឡាននៅទីតាំងខាងលើបានប្តូសំបកកង់ឡានឱ្យម៉ូយក៏ស្រាប់ខុសបច្ចេកទេសបង្កឱ្យផ្ទុះលាន់ដូចផ្ទុះគ្រាប់បែក ប៉ើងមនុស្សឡើងលើប្រហែល៥ម៉ែត្រធ្លាក់មកក្រោមរងរបួសរយះជើងទាំងសង្ខាងយ៉ាងធ្ងន់ធ្ងរ។

ភ្លាមៗនោះក្រុមគ្រួសារបានដឹកជនរងគ្រោះយកទៅមន្ទីរពទ្យដើម្បីសង្រ្គោះជីវិត៕ ដោយៈនរា