ព័ត៌មានជាតិ
បង្ហើបរឿងថៃបិទច្រកមិនឲ្យខ្មែរនាំតាង៉ែនចូល ខ្លាចគ្មានកម្លាំងពលកម្មបេះតាង៉ែននៅថៃ
តាមទូរសព្ទពីខេត្តបាត់ដំបង កសិករដាំតាង៉ែន ឬមៀនប៉ៃលិនម្នាក់បានទម្លាយពីដើមទងដែលថៃបិទមិនឲ្យនាំតាង៉ែនខ្មែរចូល ដោយសារថៃប្រើយុទ្ធសាស្ត្រទប់ការពារខ្លាចខ្វះកម្លាំងពលកម្មពីខ្មែររាប់ម៉ឺននាក់ដែលធ្វើការនៅចម្ការតាង៉ែនឲ្យថៅកែថៃ។
លោក ឌីន ដែន កសិករដាំតាង៉ែននៅខេត្តបាត់ដំបងប្រាប់ថា ច្រកមិនបិទទេគឺថៃបិទតែមៀនប៉ៃលិនខ្មែរមិនឲ្យចូលតែប៉ុណ្ណោះ តែដំណាំផ្សេងៗអាចចេញចូលបាន។ មូលហេតុគឺផលប្រយោជន៍សេដ្ឋកិច្ចរវាងប្រទេសនិងប្រទេស ដោយសារឆ្នាំនេះមៀនប៉ៃលិនខ្មែរអំណោយផល ផ្ដល់ផលច្រើន។
កសិកររូបនេះបញ្ជាក់ថា ថៃបិទតែដំណាំតាង៉ែនខ្មែរទេ តែដំណាំផ្សេងទៀតអាចចូលថៃបាន តើមកពីមូលហេតុអ្វី? ខាងថៃខ្លាចមៀនខ្មែរផលច្រើន នាំពលករខ្មែរចេញមកគ្មានកម្លាំងបេះនៅថៃ។ អីចឹងថៃប្រើយុទ្ធសាស្ត្រទប់ ដើម្បីបំបាក់ទឹកចិត្តកសិករ ពីព្រោះអ្នកបេះមៀននៅថៃសុទ្ធតែជាពលករមកពីខ្មែរទាំងអស់។
កសិកររូបនេះបន្តថា ពេលតាង៉ែនខ្មែរចាល់លក់អត់ចេញ កសិករគ្មានកម្លាំងអាចកាប់ដើមចោល កុំឲ្យឃើញទើសមុខ ចឹងទេខាងថៃប្រើយុទ្ធសាស្ត្របែបនេះដើម្បីបំបាក់ទឹកចិត្តកសិករខ្មែរតែម្ដង។
កសិករដដែលរូបនេះបន្តថា ពីរទៅបីឆ្នាំទៀត មៀនប៉ៃលិនខ្មែរអាចខ្លាំងជាងថៃ ដោយសារខាងថៃគ្មានពលកម្មទេ ក្រៅពីប្រើកម្លាំងពលករមកពីខ្មែររាប់ពាន់រាប់ម៉ឺននាក់។
ពេលកម្ពុជាថ្មីសាកសួរក្រៅពីទីផ្សារថៃអាចលក់ក្នុងស្រុកបានទេ កសិកររូបនេះឆ្លើយថា ចំនួនរាប់តោនឯណោះ តម្រូវការនៅក្នុងស្រុកតិចតួចណាស់គឺមានតែពឹងទីផ្សារក្រៅជាពិសេសថៃ ដែលទិញពីខ្មែរនាំទៅលក់បន្តទៅចិនដែលជាទីផ្សារធំ។
ទាក់ទងមន្ត្រីដែលចុះទៅជួយដោះស្រាយការកកស្ទះតាង៉ែន កសិករដដែលរូបនេះបញ្ជាក់ថា គ្មានសង្ឃឹមនោះទេ មន្រ្តីបានត្រឹមតែសន្យា តែភាគរយដោះស្រាយចេញស្ទើរតែគ្មាន។
ក្រសួងកសិកម្មប៉ុន្មានថ្ងៃមុននេះ ក៏ប្រកាសឲ្យកសិករខ្មែរបង្វែរផ្លែតាង៉ែនដែលចាល់មកច្រកព្រំដែនវៀតណាមវិញ ប៉ុន្តែកសិករជាម្ចាស់ចម្ការតាង៉ែនលោកឌីន ដែន ចោទជាចម្ងល់ថា “ដឹកទៅច្រកវៀតណាមតើឲ្យថៅកែណា ឬគ្រាន់តែប្រកាសឲ្យតែបានទេ?”។
ក្រុមឈ្មួញនិងកសិករអ្នកដាំដំណាំតាង៉ែនហៅ (មៀនប៉ៃលិន) ជាច្រើនថ្ងៃមកនេះ បានយករថយន្តជាច្រើនគ្រឿងទៅបិទនៅច្រកទ្វារអន្តរជាតិដូង ដើម្បីសុំឲ្យអាជ្ញាធរជួយដោះស្រាយ ក្រោយអាជ្ញាធរថៃបិទមិនឲ្យនាំតាង៉ែនទៅលក់ឲ្យឈ្មួញថៃ។
ដំណាំតាង៉ែនជាដំណាំយុទ្ធសាស្រ្តមួយរបស់កសិករតាមព្រំដែនថៃ ជាពិសេសនៅខេត្តចំនួន ៣ មានប៉ៃលិន បាត់ដំបង បន្ទាយមានជ័យ ដែលមានការដាំដុះរាប់ម៉ឺនហិតា។ ដំណាំតាង៉ែនឬមៀនប៉ៃលិន មានទីផ្សារធំបំផុតគឺទៅប្រទេសថៃ ខណៈតាមប្រភពកសិករមានរោងចក្រចិនមួយបានសាង់សង់នៅខេត្តបាត់ដំបង ដើម្បីកែច្នៃនាំតាង៉ែនទៅចិនផ្ទាល់។ តែដោយសារមិនមានការព្រមព្រៀងគ្នានៅឡើយរវាងរដ្ឋាភិបាលខ្មែរ និងចិន លើភូគាមអនាម័យ ទើបរោងចក្រចិនដែលសង់រួចនេះ មិនទាន់ដំណើរការនៅឡើយ។
ក្រសួងកសិកម្មបានកំណត់អាទិភាព ក្នុងការនាំមៀនប៉ៃលិនទៅទីផ្សារប្រទេសចិន បន្ទាប់ពីផ្លែចេក និងស្វាយស្រស់។ មៀនប៉ៃលិន ជាផលិតផលផ្លែឈើកំពុងដាំដុះនៅតាមបណ្តាខេត្តជាប់ព្រំដែនប្រទេសថៃ បើអាចនាំចេញដោយផ្ទាល់ទៅប្រទេសចិន អាចរកចំណូលមួយឆ្នាំជាង ២០០ លានដុល្លារ។ យ៉ាងណារដ្ឋាភិបាលកម្ពុជានិងចិន នៅជជែកគ្នានៅឡើយ មិនទាន់សម្រេចកិច្ចព្រមព្រៀងគ្នានៅឡើយ។
បច្ចុប្បន្នមៀនប៉ៃលិនមានដាំដុះភាគច្រើននៅខេត្តប៉ៃលិន បាត់ដំបង បន្ទាយមានជ័យ និងផ្នែកខ្លះនៃខេត្តព្រះវិហារ។ គិតត្រឹមចុងឆ្នាំ ២០២០ នៅទូទាំងប្រទេសមានផ្ទៃដីដាំដុះប្រមាណ ១៤ ៥០០ ហិកតា ក្នុងនោះផ្ទៃដីប្រមូលផលមានជាង ១១ ៥០០ ហិកតា ដោយជាមធ្យមក្នុង ១ ហិកតាផ្តល់ផលជិត ១៧ តោន។ បរិមាណផលដែលទទួលបានមានប្រមាណជិត ២០ ម៉ឺនតោនក្នុងនោះការនាំចេញសម្រេចបានប្រមាណ ១០២ ពាន់តោន ដោយមានតម្លៃប្រហែលជិត ១០០ លានដុល្លារ៕
អត្ថបទ៖ ប៊ុណ្ណារ៉ា
ផ្លូវមួយកន្លែងក្នុងមូលដ្ឋានសង្កាត់ផ្សារដើមគ ក្លាយជាកន្លែងគំនរសំរាម ខណៈអាជ្ញាធរថា នឹងដាក់កម្លាំងឃ្លាំមើលអ្នកលួចចោល
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ