បទល្មើសព្រហ្មទណ្ឌក្នុងខែកក្កដា ថយចុះជាងពាក់កណ្តាល

នៅក្នុងបរិបទជំងឺកូវីដ១៩ បទល្មើសនានាមានការថយចុះគួរឱ្យកត់សំគាល់ ជាក់ស្ដែង នៅក្នុងខែកក្កដាឆ្នាំ២០២១នេះ នៅរាជធានីភ្នំពេញ បទល្មើសព្រហ្មទណ្ឌ បានថយចុះជាងពាក់កណ្តាល បើប្រៀបធៀបទៅខែមិថុនា។

របាយការណ៍ប្រចាំ ខែកក្កដាឆ្នាំ២០២១ សម្រាប់រាជធានីភ្នំពេញ បទល្មើស ព្រហ្មទណ្ឌកើតមាន ១៩លើក ថយចុះ ១០ លើកបើប្រៀបធៀទៅខែមិថុនា។

របាយការណ៍ដដែលបង្ហាញថា បង្ក្រាបបទល្មើសព្រហ្មទណ្ឌបាន ១៩ករណី ស្មើនឹង ១០០%ឃាត់ខ្លួន៣២​នាក់ បញ្ចូនទៅសាលា ដំបូងរាជធានីភ្នំពេញ ចាត់ការតាមផ្លូវច្បាប់។

បង្ក្រាបបទល្មើសគ្រឿងញៀនបាន ៤៧ករណី ឃាត់ខ្លួន ៨៨នាក់ និងបង្ក្រាបតាមដីកា ពាករណី ឃាត់ខ្លួន ២នាក់ កសាងសំណុំរឿងបញ្ជូនទៅសាលាដំបូងរាជធានីភ្នំពេញ។

បង្ក្រាបក្មេងទំនើងបាន ៣២ករណី ឃាត់ខ្លួន៤៤នាក់ ក្នុងនោះ ពាក់ព័ន្ធបទល្មើស ៣៧នាក់ កសាង សំណុំរឿងបញ្ជូនទៅសាលាដំបូងរាជធានីភ្នំពេញ និងបង្កឱ្យបាត់សណ្ដាប់ធ្នាប់ក្នុងមូលដ្ឋាន ៧នាក់ បាន អនុវត្តវិធានការរដ្ឋបាលដោយធ្វើកិច្ចសន្យាអប់រំប្រគល់ឱ្យអាណាព្យាបាលវិញ៕ ដោយ៖ស្រីរ័ត្ន