ព័ត៌មានជាតិ

គិតមកដល់ល្ងាចនេះ រកឃើញវិជ្ជមានកូវីដ៥នាក់ ក្នុងប្រតិបត្តិការយកសំណាកអាជីវករផ្សារដេប៉ូ

បានផុស

៣ years មុន

នៅ

ថ្ងៃសៅរ៍ ១៤ សីហា ២០២១

ដោយ

បងប្អូនអាជីវករផ្សារដេប៉ូ និងប្រជាពលរដ្ឋនៅក្បែរខាង ដែលប្រកបមុខរបរលក់ដូរជាច្រើននាក់នៃផ្សារនេះ ត្រូវបានអាជ្ញាធរខណ្ឌទួលគោក ជាមួយគណកម្មការផ្សារ សហការជាមួយក្រុមគ្រូពេទ្យបាននឹងកំពុងយកសំណាកពាក់ព័ន្ធនឹងកូវី-១៩ យ៉ាងមមាញឹក ដោយគិតមកដល់ម៉ោងនេះ គឺបានរកឃើញអ្នកកូវីដ-១៩ ចំនួន៥នាក់ហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានគណៈកម្មការផ្សារដេប៉ូបានបញ្ជាក់ឲ្យដឹងនៅល្ងាចថ្ងៃទី១៤ ខែសីហានេះថា ផ្សារដេប៉ូ ត្រូវបានបិទខ្ទប់ ដើម្បីពិនិត្យយកសំណាកបុគ្គលិក និងអាជីវករទាំងអស់ ដោយចាប់ផ្តើមតាំងពីម៉ោង១០ព្រឹករហូតដល់ម៉ោងជាង៣រសៀលថ្ងៃទី១៤ សីហានេះ ហើយបានរកឃើញអ្នកមានកូវីដ-១៩ ចំនួន៥នាក់ ។ ដោយឡែកចំពោះសន្តិសុខរបស់ផ្សារ ក្រោយពីធ្វើតេស្ត មិនមានវិជ្ជមានកូវីដ-១៩នោះទេ។

លោកបានបញ្ជាក់ទៀតថា អ្នកដែលមានកូវីដ-១៩នោះ គឺមិនមែនជាអាជីវករលក់ដូរនៅក្នុងផ្សារដេប៉ូទេ។តែជាប្រជាពលរដ្ឋជាអ្នកក្បែរខាងនៅផ្សារដេប៉ូនេះតែប៉ុណ្ណោះ ។ ប៉ុន្តែទោះបីជាណាស់យ៉ាងណាក្តីលោកមិនបានបញ្ជាក់ថានឹងត្រូវបិទស្រាទាំងមូលរួចយ៉ាងណានៅឡើយទេ។

គណៈកម្មការផ្សារដេប៉ូ សូមគោរពជម្រាបជូនដល់បងប្អូនអាជីវករ និងអតិថិជនទាំងអស់ដែលបានចេញ-ចូលក្នុងផ្សារដេប៉ូ សូមអញ្ជើញមកយកសំណាកចាប់ពីព្រឹកនេះតទៅ ហើយទីតាំងសម្រាប់យកសំណាក គឺនៅខាងមុខផ្សារដេប៉ូតែម្តង។

-ករណីបងប្អូនអាជីវករដែលមិនចូលរួមយកសំណាកនោះទេ ហើយគ្មានក្រដាសវាយត្រាបញ្ជាក់អំពីការយកសំណាកពីគណៈកម្មការផ្សារ និងមិនត្រូវអនុញ្ញាតអោយបើកតូបនោះទេ។

សូមបងប្អូនសហការទាំងអស់គ្នា ដើម្បីចូលរួមទប់ស្កាត់ជំងឺកូវីដ-១៩ Delta អោយមានប្រសិទ្ធភាពខ្ពស់៕អត្ថបទ ៖ ស្រីរ័ត្ន