ព័ត៌មានជាតិ

ផ្ទុះការគាំទ្រ ! ព្រាប សុវត្ថិ និង មាស សុខសោភា ប៉ះគ្នាក្នុងបទ ដួងចិត្តទ័ព បេះដូងពេទ្យ ទើបចេញផ្លូវការមុននេះ

បានផុស

៤ years មុន

នៅ

ថ្ងៃសុក្រ ២៣ តុលា ២០២០

ដោយ

ដូចដែលអ្វីដែលជាការប្រកាសនិងសន្យាកាលពីម្សិលមិញពិតមែនទីបំផុតការទន្ទឹងរង់ចាំទាំងអន្ទះសាររបស់អ្នកគាំទ្រនិងមហាជនបានមកដល់ហើយ ខណៈចម្រៀងមួយបទដែលជាការចម្រៀងរួមច្របាច់ចូលគ្នាពីកំពូលតារាចម្រៀងពីររូបគឺលោក ព្រាប សុវត្ថិ និងអ្នកនាង មាស សុខសោភា ពេលនេះបានចេញផ្សព្វផ្សាយជាផ្លូវការហើយ។

គេចាំបានថានៅលើបណ្តាញសង្គមហ្វេសប៊ុកផ្លូវការរបស់កវីនិពន្ធល្បីឈ្មោះលោក សុខ ជំនោ កាលពីថ្ងៃទី២២ ខែតុលាម្សិលមិញបានប្រកាសជាសាធារណៈថាបទ ដួងចិត្តទ័ព បេះដូងគ្រូពេទ្យ ត្រៀមនឹងចេញនៅព្រឹកថ្ងៃនេះ ហើយទីបំផុតមិនធ្វើឲ្យអ្នកគាំទ្រនិងទស្សនិកជនខកបំណងឡើយពោលគឺបទ ដួងចិត្តទ័ព បេះដូងគ្រូពេទ្យ ពិតជាត្រូវបានបញ្ចេញផ្សព្វផ្សាយមែនកាលពីប៉ុន្មានម៉ោងមុននេះ។

តាមរយៈបទ ដួងចិត្តទ័ព បេះដូងគ្រូពេទ្យ ដែលជាការពួកដៃគ្នាយ៉ាងកម្ររបំផុតរវាងកំពូលតារាចម្រៀងប្រុស-ស្រីពីររូបជ្រកក្រោមដំបូងផលិតកម្មផ្សេងគ្នាលោក ព្រាប សុវត្ថិ និង មាស សុខសោភា នាពេលនេះបានកំពុងធ្វើឲ្យមហាជនចាប់អារម្មណ៍និងគាំទ្រខ្លាំងខណៈដែលបទនេះបានច្រៀងរៀនរាប់អំពីគុណបំណាច់និងការលះបង់កំលាំងកាយចិត្តដោយមិនខ្លាចនឿយហត់ឬត្រូវក្តៅ ខ្យល់ ភ្លៀងរងារដើម្បីជួងសង្គ្រោះជីវិតពលរដ្ឋខ្មែរពីសំណាក់កងទ័ពនិងគ្រូពេទ្យដែលកំពុងរងគ្រោះធម្មជាតិជំនន់ទឹកភ្លៀងនៅតាមបណ្តាខេត្តមួយចំនួន។

បើតាមការបញ្ជាក់ឲ្យដឹងពីលោក សុខ ជំនោ បានលើកឡើងថាបទ ដួងចិត្តទ័ព បេះដូងពេទ្យ នេះជាការនិពន្ធទំនុកច្រៀងដោយខ្លួនលោកផ្ទាល់ហើយនិពន្ធបទភ្លេងនិងប្រគុំដោយ ចចកសមុទ្រនឹងច្រៀងរួមគ្នាដោយ ព្រាប សុវត្ថិ-មាស សុខសោភា ។សូមជម្រាបដែរថាកន្លងមកតារាចម្រៀងលោក ព្រាប សុវត្ថិ និង មាស សុខសោភា ជារឿយៗអ្នកគាំទ្រតែងតែបញ្ចេញទស្សនៈដោយផ្គូរផ្គងឲ្យអ្នកទាំងពីរក្លាយជាតារាចម្រៀងរួមគ្នាតែមួយព្រោះសមត្ថភាពរបស់ពួកគេសុទ្ធតែមានទេពកោសល្យខ្ពស់ដូចគ្នា ហើយទីបំផុតក៏ស្រាប់តែប៉ះគ្នាក្នុងបទនេះតែម្តង៕