ព័ត៌មានជាតិ

ចង់ទៅលេងអត់ ? តំបន់ទេសចរណ៍មួយនៅកោះរ៉ុង បើកដំណើរការឡើងវិញហើយ

បានផុស

៣ years មុន

នៅ

ថ្ងៃសៅរ៍ ១៤ សីហា ២០២១

ដោយ

រដ្ឋបាលក្រុងកោះរ៉ុង នៅថ្ងៃទី១៤ ខែសីហា ឆ្នាំ២០២១នេះ បានប្រកាសបើកភូមិកោះតូច នៃសង្កាត់កោះរ៉ុងសន្លឹមឡើងវិញហើយ ក្រោយក្រុមគ្រូពេទ្យនៃមន្ទីរសុខាភិបាលខេត្តព្រះសីហនុ បានធ្វើការយកសំណាកតេស្តលើកទី២ រកវីរុសកូវីដ-១៩ លើប្រជាពលរដ្ឋដែលរស់នៅក្នុងភូមិកោះតូចប្រមាណជាង៦០០នាក់ ដោយទទួលលទ្ធផលអវិជ្ជមាន១០០ភាគរយ នេះបើតាមការបញ្ជាក់ពីលោក នួន ប៊ុនថុល អភិបាលក្រុងកោះរ៉ុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នួន ប៊ុនថុល បានឲ្យដឹងដែរថា មកដល់បច្ចុប្បន្ននេះអ្នកជំងឺខ្លះ ទទួលបានការព្យាបាលជាសះស្បើយ និងបានវិលត្រឡប់មកកាន់លំឋានរៀងៗខ្លួនវិញ និងបន្តធ្វើចត្តាឡីស័ក តាមការណែនាំរបស់ក្រសួងសុខាភិបាល។ ដោយឡែកទាក់ទងការរកស៊ីដឹកភ្ញៀវទេសចរណ៍ចេញ-ចូលផ្សេងៗ លោកអភិបាលក្រុងកោះរ៉ុង ក៏បានបញ្ជាក់ថា ចំពោះអ្នកដំណើរតាមទូកផ្សេងៗ រឺម្ចាស់អាជីវកម្មដឹកភ្ញៀវទេសចរណ៍ទាំងអស់ គឺអាចដំណើរការដឹកភ្ញៀវទេសចរណ៍ចេញ-ចូលមកភូមិកោះតូចបានដូចធម្មតា។

គួររំលឹកថា កាលពីថ្ងៃទី២៦ ខែកក្កដា ឆ្នាំ២០២១ រដ្ឋបាលក្រុងកោះរ៉ុង បានសម្រេចបិទភូមិកោះតូច នៃសង្កាត់កោះរ៉ុងសន្លឹម ក្រោយលទ្ធផលនៃការតេស្តសំណាករកវីរុសកូវីដ-១៩ លើប្រជាពលទូទាំងភូមិ រកឃើញអ្នកវិជ្ជមាន សរុបចំនួន២៤នាក់ ស្រី១៣នាក់ ហើយមកដល់ពេលនេះ អ្នកខ្លះបានជាសះស្បើយ និងបានវិលត្រឡប់មកកាន់លំឋានរៀងៗខ្លួនវិញ៕

ដោយ ៖ កោះកែវ