ព័ត៌មានជាតិ

ពុទ្ធដិមាករព្រះអង្គដង្កើរនៅមាត់ទន្លេ ត្រូវជនសង្ស័យវាយកម្ទេចបណ្តាលឱ្យបែកបាក់

បានផុស

៣ years មុន

នៅ

ថ្ងៃព្រហស្បតិ៍ ២៦ វិច្ឆិកា ២០២០

ដោយ

កាលពីវេលាម៉ោង ២និង៣០នាទីរសៀល ថ្ងៃទី២៥ ខែវិច្ឆិកា ឆ្នាំ២០២០ មានករណីជនសង្ស័យម្នាក់បានយកញញួរទៅវាយពុទ្ធដិមាករ ព្រះអង្គដង្កើរនៅមាត់ទន្លេស្ថិតនៅក្នុងសង្កាត់ជ័យជំនះ ខណ្ឌដូនពេញ បណ្តាលឱ្យបែកបាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចឱ្យដឹងថា ករណីនេះបង្កឡើងដោយជនសង្សយ័ឈ្មោះ ឡោ គឹមសួ ភេទប្រុស អាយុ២៧ឆ្នាំ។ តាមការប្រាប់ពីសាក្សីដែលឃើញហេតុការណ៍ ដំបូងជនសង្ស័យបានដើរមកព្រះអង្គដង្កើរឈរខាងក្រៅបង្អួច លើកដៃសំពះ បន្ទាប់មកបានចូលតាមបង្អួចខាងត្បូង ដៃកាន់ញញួរដងឈើ ធ្វើសកម្មភាពវាយទៅលើរូបសំណាកព្រះអង្គដង្កើរ បណ្តាលឱ្យប្រះស្រាំ ព្រះហត្ថខាងស្តាំខូចខាត ។

ក្រោយកើតហេតុដោយមានការផ្អើលឆោឡោ សមត្ថកិច្ចប្រចាំការគោលដៅ បានឃាត់ខ្លួនជនសង្ស័យ ព្រមទាំងដកហូតវត្ថុតាង ញញួរដងឈើ០១ ជាឧបករណ៍ធ្វើសកម្មភាព នាំយកមកប៉ុស្តិនគរបាលជយ័ជំនះដើម្បីសាកសួរ៕

ព្រះអង្គដង្កើរដែលជាទីសក្ការរបស់ប្រជាពលដ្ឋជាពិសេសអ្នករស់នៅទីក្រុងភ្នំពេញ ហើយករណីវាយកម្ទេចនេះកើតឡើង បន្ទាប់ពីប៉ុន្មានថ្ងៃមុនមានជនសង្ស័យមួយក្រុមបានជិះរថយន្ត ចូលវាយបំផ្លាញរូបសំណាកបូជនីយដ្ឋានសាសនានៅលើភ្នំប្រសិទ្ធិ៍ក្នុងវត្តត្រ័យត្រឹង្ស ស្ថិតនៅភូមិតាពិជ ឃុំឈ្វាំង ស្រុកពញាឮ ខេត្តកណ្តាល បណ្តាលឲ្យខូចខាតអស់ជាច្រើន៕

Related Topics:សន្តិសុខសង្គម