រកឃើញកូវីដបំប្លែងខ្លួន ដែលតា លើក្មេងប្រុស២នាក់ នៅស្រុកសំឡូត

ខេត្តបាត់ដំបង៖ ក្មេងប្រុសចំនួន២នាក់ ដែលបានឆ្លងកូវីដ-១៩ ពីឪពុកម្តាយ កាលពីពេលថ្មីៗនេះ បានបង្ហាញថា គឺជាមេរោគប្រភេទ ដែលតា បន្ទាប់ពីក្រុមគ្រូពេទ្យ បានចុះយកសំណាកទៅលើក្មេងទាំង២នាក់នេះរួចមក។

យោងតាមរបាយការណ៍របស់ក្រុមគ្រូពេទ្យបានបញ្ជាក់ថា ការចុះយកសំណាកនេះបានប្រព្រឹត្តឡើងកាលពីវេលាម៉ោង១ រសៀល ថ្ងៃទី១៤ ខែសីហា ឆ្នាំ២០២១ នៅចំណុចភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង។

ក្រោយពីពិនិត្យជាលទ្ធផលគឺក្មេងប្រុសទាំងពីរពិតជាមានមេរោគកូវីដបំប្លែងខ្លួន ដែលតា ព្រមទាំងមានអ្នកពាក់ព័ន្ធផ្ទាល់ចំនួន ២៧នាក់ ក្នុងនោះស្រី ៩នាក់ផងដែរ នៅក្នុងភូមិព្រៃធំនេះ។

បច្ចុប្បន្នក្រុមគ្រូពេទ្យបាន និងកំពុងចុះប្រមូលអ្នកពាក់ព័ន្ធទាំងអស់ដើម្បីយកសំណាកទៅពិនិត្យ និងដាក់អោយធ្វើចត្តាឡីស័កផងដែរ ជៀសវាងនូវការឆ្លងក្នុងសហគមន៍៕

អត្ថបទ៖ សោ និយមរ័ត្ន