ឃាត់អ្នកជិះកង់បញ្ច្រាស់២០​គ្រឿង នៅរង្វង់មូលវិមានឯករាជ បញ្ចូនទៅការិល័យ​ចរាចរណ៍

មិនថាឡើយកង់ ឬយានយន្តផ្សេងៗទៀតឲ្យតែជិះបញ្ច្រាស់ផ្លូវហាមឃាត់ និងជាពិសេសនៅរង្វង់មូលវិមានឯករាជគឺត្រូវចាប់ឃាត់យកមករក្សាទុកទាំងអស់

ជាក់ស្តែងនៅវេលាម៉ោង០៧និង០០នាទី ដល់ម៉ោង២២និង០០នាទីថ្ងៃទី១៥ ខែសីហា ឆ្នាំ២០២១កម្លាំងគណៈបញ្ជាការឯកភាពខណ្ឌដូនពេញ សហការជាមួយការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ បានអនុវត្តយុទ្ធនាការឃាត់ម៉ូតូ និងរថយន្ត បើកបញ្រ្ចាសទិសដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹតស្ថិតក្នុងសង្កាត់ចតុមុខ ខណ្ឌដូនពេញ។

ជាលទ្ធផលបានធ្វើការឃាត់បានម៉ូតូចំនួ០៤ គ្រឿងម៉ូតូកង់បីចំនួន០១ គ្រឿងកង់ចំនួន២០ គ្រឿង។

បច្ចុប្បន្នបានញ្ជូនទៅការិយាល័យចរាចរណ៍ ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើកាអប់រំណែនាំបន្តតាមនីតិវិធី៕

អត្ថបទ ៖ រស្មី