ព័ត៌មានជាតិ

ស្ត្រីឈឺពោះម្នាក់ ត្រូវបានកម្លាំងអធិការដឹកបញ្ជូនទៅមណ្ឌលសុខភាពដោយសុវត្ថិភាព

បានផុស

៤ years មុន

នៅ

ថ្ងៃចន្ទ ១៦ សីហា ២០២១

ដោយ

រតនគិរី ៖ ស្ត្រីម្នាក់ ឈឺពោះជិតឆ្លងទន្លេ ត្រូវបានកម្លាំងអធិការដ្ឋាននគរបាលស្រុកអូរយ៉ាដាវយករថយន្តសារ៉ែនដឹកបញ្ជូនទៅមណ្ឌលសុខភាពស្រុកអូរយ៉ាដាវ ដើម្បីសម្រាលកូននៅវេលាម៉ោង១និង២០នាទីរសៀល ថ្ងៃទី១៦ ខែសីហា ឆ្នាំ២០២១ ស្ថិតនៅក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សូយ សំណាង អធិការនគរបាលស្រុកអូរយ៉ាដាវ បានឲ្យដឹងថា ក្នុងនោះកម្លាំងវេនប្រចាំបញ្ជាទី២ ចំនួន២នាក់ ១.លោក អនុសេនីយ៍ទោ ពូយ ឌឹក ២.លោក ព្រិនបាលទោ ហែម រដ្ឋា បានយករថយន្តសារ៉ែនជួយដឹកស្ត្រីឈឺពោះឆ្លងទន្លេ មានឈ្មោះ សេវ ភីម អាយុ១៥ឆ្នាំ ជនជាតិដើមភាគតិចចារ៉ាយ រស់នៅភូមិ/ឃុំខាងលើ យកមកមណ្ឌលសុខភាពស្រុកអូរយ៉ាដាវ ប្រកបដោយសុវត្ថិភាព។

សូមបញ្ជាក់ផងដែរថា លោកវរសេនីយ៍ឯក សូយ សំណាង អធិការនគរបាលស្រុកអូរយ៉ាដាវ លោកអធិការបានយកចិត្តទុកដាក់ទៅលើប្រជាពលរដ្ឋនៅក្នុងមូលដ្ឋាននៃស្រុកអូរយ៉ាដាវ មិនថាយប់ឬថ្ងៃទេ ឲ្យតែប្រជាពលរដ្ឋមានការចាំបាច់ ដូចជា អ្នកឈឺពោះឆ្លងទន្លេ និងករណីផ្សេងៗទៀត លោកនិងជួយដល់ប្រជាពលរដ្ឋ មិនថាហត់នឿយយ៉ាងណាដ៏ដោយ ឲ្យតែប្រជាពលរដ្ឋមានការចាំបាច់និងបម្រើដល់ប្រជាពលរដ្ឋ៕

ដោយ ៖ វុទ្ធឦសាន