ព័ត៌មានជាតិ

វត្តអារាមទូទាំងខេត្តរតនគិរី បានទូងស្គរព្រមៗគ្នា ដើម្បីបើកយុទ្ធនាការថ្នាក់ជាតិ ក្រោមប្រធានបទ “រួមគា្នទទួលខុសត្រូវ ទប់ស្កាត់ការចម្លង វីរុសកូវីដ-១៩”

បានផុស

៤ years មុន

នៅ

ថ្ងៃចន្ទ ១៦ សីហា ២០២១

ដោយ

រតនគិរី ៖ នៅថ្ងៃទី១៦ ខែសីហា ឆ្នាំ២០២១នេះ ព្រះសង្ឃគង់នៅវត្តអារាមទូទាំងខេត្តរតនគិរី បានទូងស្គរព្រមៗគ្នា ដើម្បីបើកយុទ្ធនាការថ្នាក់ជាតិ ក្រោមប្រធានបទ ” រួមគា្នទទួលខុសត្រូវ ទប់ស្កាត់ការចម្លង វីរុសកូវីដ-១៩ “។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីទូងស្គរ ដើម្បីបើកយុទ្ធនាការនេះ គឺធ្វើឡើងនៅម៉ោង៩និង២០នាទី ដល់ម៉ោង៩និង២៥នាទីព្រឹកថ្ងៃដដែល។

លោក ទេព ណារ៉ា ប្រធានមន្ទីរធម្មការ និងសាសនាខេត្តរតនគិរី បានឲ្យដឹងថា យុទ្ធនាការនេះ គឺធ្វើឡើងក្នុងគោលបំណងជំរុញការទទួលខុសត្រូវរបស់បុគ្គល គ្រួសារ សហគមន៍ ស្ថាប័នពាក់ព័ន្ធ សេវាឯកជន អាជ្ញាធរមូលដ្ឋាន រួមគ្នាទទួលខុសត្រូវក្នុងស្មារតីសាមគ្គីភាព ដើម្បីកាត់ផ្ដាច់ខ្សែចម្លងវីរុសកូវីដ-១៩ ព្រមទាំងរស់នៅជាមួយនិងវីរុសកូវីដ-១៩ តាមគន្លងប្រក្រតីភាពថ្មីឲ្យបានត្រឹមត្រូវ។

ដោយឡែកក្នុងរយៈពេលប៉ុន្មានថ្ងៃចុងក្រោយនេះ អាជ្ញាធរខេត្តបានយកចិត្តទុកដាក់ខិតខំប្រឹងប្រែង អប់រំផ្សព្វផ្សាយណែនាំដល់បងប្អូនប្រជាពលរដ្ឋបន្ដទៀត អំពីវិធានការ ៣ការពារ ៣កុំ របស់ក្រសួងសុខាភិបាល ជាលទ្ធផលប្រជាពលរដ្ឋបានអនុវត្តការពាក់ម៉ាស់ លាងដៃ រក្សាគម្លាតបានយ៉ាងខ្ជាប់ខ្ជួន គួរឲ្យកត់សម្គាល់៕

ដោយ ៖ វុទ្ធឦសាន